ʼE Tokoni Atu Ki Tau Ako

Tou Iloʼi Te ʼu Fakamahino Fakamuli ʼo Te ʼu Moʼoni ʼi Te Tohi-Tapu

ʼE tou maʼuʼuli nei ʼi he temi ʼe maʼuhiga ʼaupito. ʼE fakamahino mamalie mai e Sehova te fakaʼuhiga ʼo tana Folafola. (Tan. 12:4) Kae ʼe lagi faigataʼa hatatou iloʼi ia te ʼu fakamahino fakamuli ʼo te ʼu moʼoni ʼae ʼi te Tohi-Tapu. ʼE tou lava maʼu ʼifea te ʼu fetogi mo te ʼu fakamahino ʼaia?

• ʼE maʼu ʼi te Kumiʼaga Tohi ʼa Te Kau Fakamoʼoni ʼa Sehova he lisi nounou ʼi lalo ʼo te ʼu kupu taki. Alu ki te kupu taki “Fakamoʼoni ʼa Sehova,” kumi “Manatu Mo Tui ʼa Te Hahaʼi“ pea ke vakaʼi leva ʼi te kupu “Fakamahino Foʼou.”

• ʼI te Index des publications Watch Tower (Fakafalani) ʼi te kupu taki “Éclaircissements doctrinaux” ʼe tuʼu ai te ʼu fetogi ʼae neʼe fai talu mai ʼo kaku ki te fetogi fakamuli. Ke feala hau maʼu te lisi ʼo te ʼu kupu tafito, ke ke ta “Éclaircissements doctrinaux” ʼi te faʼahi ʼae ʼe fai ai te ʼu fekumi ʼi te Watchtower Library peʼe ʼi te Watchtower BIBLIOTHÈQUE EN LIGNE.

ʼI tau ako tokotahi, ʼe feala ke ke filifili he fakamahino foʼou pea mo te tupuʼaga Fakatohi-tapu ʼo te fetogi ʼo tatatou mahino.