Fakaʼaogaʼi Lelei Te Sioʼata

Neʼe fakatatau e te tisipulo ko Sakopo te Tohi-Tapu ki he sioʼata ʼe tokoni mai ke tou sioʼi totatou ʼuhiga ʼi loto. (Sakp. 1:​22-​25) ʼE feafeaʼi hatatou fakaʼaogaʼi lelei te Tohi-Tapu ohage ko he sioʼata?

Lau fakalelei. Kapau ʼe tou sioʼi fakavilivili ia tatou ʼi he sioʼata, ʼe feala ke mole tou tokagaʼi he meʼa ʼe mole lelei ia tatou. ʼO toe feia pe, kapau ʼe tou lau fakavilivili te Tohi-Tapu, ʼe mole tou tokagaʼi anai te ʼu meʼa ʼae ʼe tonu ke tou fetogi. Koia ʼae ʼe maʼuhiga ai ke tou lau fakalelei te Tohi-Tapu.

Sioʼi pe te meʼa ʼae ʼe tonu ke fetogi ia koe kae mole ke sioʼi ʼihi. ʼI ʼihi temi, moka tou fai sioʼata ʼe feala ke tou sio ki te ʼata ʼo ʼihi ʼi te sioʼata, ʼo tou sioʼi ai leva tatou te meʼa ʼae ʼe mole lelei ia natou. ʼO toe feia pe, ʼe feala ke tou lau te Tohi-Tapu pea mo fakakaukauʼi te ʼu meʼa ʼae ʼe tonu ia ke fetogi e ʼihi. Kae kapau ʼe tou fai feia, ʼe mole tokoni mai anai ke tou fetogi te meʼa ʼae ʼe mole lelei ia tatou.

Ke ke fakapotopoto. Kapau ʼe tou fai sioʼata mo sioʼi pe te ʼu meʼa ʼae ʼe mole lelei ia tatou, ʼe feala pe ke tou lotovaivai. Koia ʼae ʼe tonu ke tou fakapotopoto moka tou lau te Folafola ʼa te ʼAtua. ʼE mole kole mai e Sehova ke tou haohaoa.​—Sakp. 3:​17.