He Koʼe ʼe Olo te kau Fakamoʼoni ʼa Sehova ʼo Faifakamafola ʼi Te ʼu ʼApi?

Neʼe fakatotonu e Sesu ki ʼana tisipulo ke natou “olo ʼo fai ni tisipulo ʼi te hahaʼi ʼo te ʼu fenua fuli pe.” (Mateo 28:19, 20) ʼI te temi ʼae neʼe ina fekauʼi ai natou ke natou olo ʼo tala te logo lelei, neʼe ina ui age ke natou olo ʼo kumi te hahaʼi ʼi ʼonatou ʼapi. (Mateo 10:7, 11-13) Hili tona mate, neʼe hoko atu pe te tala ʼa te ʼu ʼuluaki Kilisitiano ia te logo “ia muʼa ʼo te hahaʼi pea mo te ʼu ʼapi.” (Gaue 5:42; 20:20) Ka tou olo ʼi te ʼu ʼapi ʼe tou faʼifaʼitakiʼi ia natou ʼaia. Pea ʼe ko te faʼahiga fai ʼaia ʼe lelei ke tou maʼu ia te hahaʼi.