Nota

b Neʼe palalau fakapotopoto ia Sakopo ki te ʼu tohi ʼa Moisese, he neʼe mole gata pe ki te Lao kae neʼe toe palalau ai ki te ʼu felogoi ʼa te ʼAtua mo te hahaʼi ʼo ha ai Tona finegalo ʼi muʼa ʼo te maʼu ʼo te Lao. Ohage la, ʼe ha ʼi te tohi ʼo Senesi te manatu ʼa Sehova ʼo ʼuhiga mo te toto, mo te tono pea mo te tauhi taula ʼatua. (Sen. 9:3, 4; 20:2-9; 35:2, 4) Koia, neʼe fakaha e Sehova ni pelesepeto neʼe tonu ke mulimuli ki ai te hahaʼi fuli pe Sutea peʼe kailoa.