Nota

b Neʼe fakafetaʼi ia Teletulio kia Felise ki te “tokalelei lahi” ʼae neʼe ina foaki ki te hahaʼi. ʼI tona fakahagatonu, neʼe kovi ʼosi te agakovi ʼi Sutea lolotoga te temi pule ʼo Felise, ʼi ʼae ʼo natou ʼae neʼe pule ʼi muʼa atu, ʼo kaku ki te agatuʼu ʼae ki te kau Loma. Pea neʼe mole ko he moʼoni ʼi tana ui ʼae, ʼe “fakafetaʼi ʼaupito” ia te kau Sutea kia Felise ki te ʼu fetogi ʼae neʼe ina fai maʼa natou. ʼI tona fakahagatonu, tokolahi te kau Sutea neʼe fehihiʼa kia Felise. Koteʼuhi neʼe ko he pule agakovi, pea moka hoko he ʼu agatuʼu, ʼe ina gaohi koviʼi ʼosi te hahaʼi.​—Gaue 24:2, 3.