Nota

a ʼI muʼa ʼo te fakafeagai ʼaē neʼe hoko ʼi ʼOketopeli 1917, neʼe fakaʼaogaʼi e te kau Lusia ia te kaletalio ʼāfea Julien, kae kua lahi te ʼu fenua kua nātou fetogi ʼaki te kaletalio Grégorien. ʼI te taʼu 1917, ko te ʼaho ʼo te kaletalio Julien neʼe tauhala ia ʼaho e 13 ʼi te kaletalio Grégorien. ʼI te ʼosi ʼo te fakafeagai, neʼe mulimuli te kau Sovietike ki te kaletalio Grégorien, ʼo nātou fakaʼaogaʼi te kaletalio ʼaē ʼe fakaʼaogaʼi ʼi te malamanei kātoa. Kae ko te Lotu Orthodoxe, neʼe ina fakaʼaogaʼi ia te kaletalio Julien moʼo fai tanatou ʼu toʼotoʼoga, ʼo nātou ʼui ʼe ko te kaletalio ʼe mulimuli ki te kaletalio ʼāfea. ʼE koutou logo anai ʼe fai te Po Tapu ʼi Lusia ʼi te ʼaho 7 ʼo Sānualio. Kae koutou manatuʼi, ko te ʼaho 7 ʼo Sānualio ʼi te kaletalio Grégorien ʼe ko te ʼaho 25 ʼo Tesepeli ʼi te kaletalio Julien. Koia, tokolahi te kau Lusia ʼe fēnei tanatou teuteuʼi ʼo tonatou ʼu ʼaho lalahi: ʼI te Potu Uesite ʼe fai ia te Po Tapu ʼi te ʼaho 25 ʼo Tesepeli; ko te Taʼu Foʼou ʼi te ʼaho 1 ʼo Sānualio; ko te Lotu Orthodoxe ʼe ina fai ia te Po Tapu ʼi te ʼaho 7 ʼo Sānualio; ko te Taʼu Foʼou ʼi te ʼaho 14 ʼo Sānualio ʼo mulimuli ki te kaletalio ʼāfea.