Senesi

5 Ko te tohi ʼaeni ʼo te hisitolia ʼo Atama. ʼI te ʼaho ʼae neʼe fakatupu ai e te ʼAtua ia Atama, neʼe ina faʼu ia ia ke hage ko ia.+ 2 Neʼe ina fakatupu naua, tagata mo fafine.+ ʼI te ʼaho ʼae neʼe ina fakatupu ai ia naua,+ neʼe ina tapuakiʼi pea mo fakahigoaʼi ia naua ko Tagata.*

3 Neʼe maʼuli ia Atama lolotoga taʼu ʼe 130 pea neʼe ina maʼu hona tahi foha neʼe hage pe ko ia, neʼe ina fakahigoaʼi ko Seti.+ 4 ʼI te ʼosi tupu ʼo tona foha ko Seti, neʼe maʼuli ia Atama lolotoga taʼu ʼe 800. Neʼe ina toe maʼu foki hona ʼu foha pea mo hona ʼu ʼofafine. 5 Koia, neʼe maʼuli ia Atama ia taʼu ʼe 930, pea neʼe mate leva.+

6 Neʼe maʼuli ia Seti lolotoga taʼu ʼe 105, pea neʼe tupu leva tona foha ko Enosi.+ 7 ʼI te ʼosi tupu ʼo tona foha ko Enosi, neʼe maʼuli ia Seti lolotoga taʼu ʼe 807. Neʼe ina toe maʼu foki hona ʼu foha pea mo hona ʼu ʼofafine. 8 Koia, neʼe maʼuli ia Seti ia taʼu ʼe 912, pea neʼe mate leva.

9 Neʼe maʼuli ia Enosi lolotoga taʼu ʼe 90, pea neʼe tupu leva tona foha ko Kenane. 10 ʼI te ʼosi tupu ʼo tona foha ko Kenane, neʼe maʼuli ia Enosi lolotoga taʼu ʼe 815. Neʼe ina toe maʼu foki hona ʼu foha pea mo hona ʼu ʼofafine. 11 Koia, neʼe maʼuli ia Enosi ia taʼu ʼe 905, pea neʼe mate leva.

12 Neʼe maʼuli ia Kenane lolotoga taʼu ʼe 70, pea neʼe tupu leva tona foha ko Malaleele.+ 13 ʼI te ʼosi tupu ʼo tona foha ko Malaleele, neʼe maʼuli ia Kenane lolotoga taʼu ʼe 840. Neʼe ina toe maʼu foki hona ʼu foha pea mo hona ʼu ʼofafine. 14 Koia, neʼe maʼuli ia Kenane ia taʼu ʼe 910, pea neʼe mate leva.

15 Neʼe maʼuli ia Malaleele lolotoga taʼu ʼe 65, pea neʼe tupu leva tona foha ko Saleti.+ 16 ʼI te ʼosi tupu ʼo tona foha ko Saleti, neʼe maʼuli ia Malaleele lolotoga taʼu ʼe 830. Neʼe ina toe maʼu foki hona ʼu foha pea mo hona ʼu ʼofafine. 17 Koia, neʼe maʼuli ia Malaleele ia taʼu ʼe 895, pea neʼe mate leva.

18 Neʼe maʼuli ia Saleti lolotoga taʼu ʼe 162, pea neʼe tupu leva tona foha ko Enoke.+ 19 ʼI te ʼosi tupu ʼo tona foha ko Enoke, neʼe maʼuli ia Saleti lolotoga taʼu ʼe 800. Neʼe ina toe maʼu foki hona ʼu foha pea mo hona ʼu ʼofafine. 20 Koia, neʼe maʼuli ia Saleti ia taʼu ʼe 962, pea neʼe mate leva.

21 Neʼe maʼuli ia Enoke lolotoga taʼu ʼe 65, pea neʼe tupu leva tona foha ko Metusela.+ 22 ʼI te ʼosi tupu ʼo tona foha ko Metusela, neʼe haga haʼele aipe ia Enoke mo te ʼAtua moʼoni* lolotoga taʼu ʼe 300. Neʼe ina toe maʼu foki hona ʼu foha pea mo hona ʼu ʼofafine. 23 Koia, neʼe maʼuli ia Enoke ia taʼu ʼe 365. 24 Neʼe haga haʼele aipe ia Enoke mo te ʼAtua moʼoni.+ Pea neʼe mole toe sio leva he tahi ki ai, he neʼe toʼo e te ʼAtua ia ia.+

25 Neʼe maʼuli ia Metusela lolotoga taʼu ʼe 187, pea neʼe tupu leva tona foha ko Lameke.+ 26 ʼI te ʼosi tupu ʼo tona foha ko Lameke, neʼe maʼuli ia Metusela lolotoga taʼu ʼe 782. Neʼe ina toe maʼu foki hona ʼu foha pea mo hona ʼu ʼofafine. 27 Koia, neʼe maʼuli ia Metusela ia taʼu ʼe 969, pea neʼe mate leva.

28 Neʼe maʼuli ia Lameke lolotoga taʼu ʼe 182, pea neʼe tupu leva hona foha. 29 Neʼe ina fakahigoaʼi ko Noe,*+ he neʼe ina ui: “ ʼE foaki mai anai e ia ʼaeni he fakafimalie ki ʼatatou gaue kinakina pea mo te vaivai ʼo ʼotatou nima ʼuhi ko te kele ʼae neʼe fakamalaʼia e Sehova.”+ 30 ʼI te ʼosi tupu ʼo tona foha ko Noe, neʼe maʼuli ia Lameke lolotoga taʼu ʼe 595. Neʼe ina toe maʼu foki hona ʼu foha pea mo hona ʼu ʼofafine. 31 Koia, neʼe maʼuli ia Lameke ia taʼu ʼe 777, pea neʼe mate leva.

32 ʼI te kua taʼu 500 ʼo Noe, neʼe tutupu leva ʼona foha ko Semi,+ mo Kami+ pea mo Safeti.+