Senesi

10 Koʼeni te hisitolia ʼo te ʼu foha ʼo Noe, ia Semi,+ mo Kami pea mo Safeti.

Neʼe natou maʼu ʼonatou foha hili te Tulivio.+ 2 Ko te ʼu foha ʼo Safeti neʼe ko Komele,+ mo Makoke,+ mo Matai, mo Savani, mo Tupale,+ mo Meseke+ pea mo Tilasi.+

3 Ko te ʼu foha ʼo Komele neʼe ko Asekenase,+ mo Lifate pea mo Tokalama.+

4 Ko te ʼu foha ʼo Savani neʼe ko Eliseka,+ mo Talesisi,+ mo Kitimi+ pea mo Totanimi.

5 Neʼe hifo mai ia natou ʼaia te hahaʼi ʼo te ʼu motu ʼae neʼe mavetevete leva ʼi ʼonatou fenua, ʼo mulimuli ki ʼanatou lea, mo ʼonatou famili pea mo ʼonatou puleʼaga.

6 Ko te ʼu foha ʼo Kami neʼe ko Kusi, mo Misilaimi,+ mo Puti+ pea mo Kanaane.+

7 Ko te ʼu foha ʼo Kusi neʼe ko Sapa,+ mo Avila, mo Sapita, mo Laema+ pea mo Sapeteka.

Ko te ʼu foha ʼo Laema neʼe ko Sepa pea mo Tetane.

8 Ko Kusi ko te tamai ʼa Nimelote, ʼae ko te ʼuluaki tagata ʼaia neʼe liliu ʼo malohi ʼi te kele. 9 Neʼe liliu ai ko he tagata kapu manu malohi neʼe fakafeagai kia Sehova. Koia ʼe ʼi ai te takuga ʼe ina ui feia: “ ʼE hage pe ko Nimelote, te tagata kapu manu malohi ʼae neʼe fakafeagai kia Sehova.” 10 Ko te ʼu ʼuluaki kolo ʼo tona puleʼaga, neʼe ko Papele,+ mo Eleke,+ mo Akati pea mo Kalene, ʼi te fenua ʼo Sinea.+ 11 Neʼe mavae mai te fenua ʼaia ʼo alu ki Asilia,+ pea neʼe ina laga ai ia Ninive,+ mo Leopoti-ile, mo Kala, 12 pea mo Lesene, ʼi te vaha ʼo Ninive mo Kala: ʼE ko te kolo lahi ʼaia.*

13 Ko Misilaimi ko te tamai ʼa Lutime,+ mo Anamime, mo Lehapime, mo Nafetuimi,+ 14 mo Patulusimi,+ mo Kaseluimi (ʼae ʼe hifo mai ai te kau Filisitini+) pea mo Kafetolimi.+

15 Ko Kanaane ko te tamai ʼa Sitoni,+ tona ʼuluaki foha, pea mo Heti,+ 16 pea ʼe toe hifo mai ai te kau Sepusi,+ mo te kau Amole,+ mo te kau Kilikasi, 17 mo te kau Hevi,+ mo te kau Aleki, mo te kau Sine, 18 mo te kau Alevate,+ mo te kau Tesemale pea mo te kau Hamate.+ Pea ʼosi ʼaia, neʼe mavetevete te ʼu famili ʼo te kau Kanaane. 19 Koia ko te fenua ʼo te kau Kanaane neʼe kamata mai Sitoni ʼo aʼu ki Kelali,+ ʼae ʼe ovi ki Kasa,+ pea neʼe aʼu ki Sotoma, mo Komola,+ mo Atema pea mo Sepoimi,+ ʼae ʼe ovi ki Lasa. 20 Neʼe ko te ʼu foha ʼaia ʼo Kami ʼo mulimuli ki ʼonatou famili, mo ʼanatou lea, mo ʼonatou fenua pea mo ʼonatou puleʼaga.

21 Neʼe toe ʼi ai mo te ʼu fanau ʼa Semi, te kui ʼo te ʼu foha fuli ʼo Epele,+ pea mo te tehina veliveli* ʼo Safeti. 22 Ko te ʼu foha ʼo Semi neʼe ko Elame,+ mo Asule,+ mo Alapasate,+ mo Luto, pea mo Alame.+

23 Ko te ʼu foha ʼo Alame neʼe ko Usia, mo Uli, mo Ketele, pea mo Masi.

24 Ko Alapasate ko te tamai ʼa Sila,+ pea ko Sila ko te tamai ʼa Epele.

25 Neʼe maʼu e Epele ʼona foha ʼe lua. Neʼe higoa te tahi ko Peleki,*+ he neʼe maʼuli ʼi te temi ʼae neʼe mavetevete ai te hahaʼi ʼo te kele.* Pea neʼe higoa tona tehina ko Sokitane.+

26 Ko Sokitane ko te tamai ʼa Alemotate, mo Selefi, mo Asalemaveti, mo Selake,+ 27 mo Hatolame, mo Usale, mo Tikala, 28 mo Opale, mo Apimaele, mo Sepa, 29 mo Ofile,+ mo Avila pea mo Sopape. Ko te ʼu foha fuli ʼaia ʼo Sokitane.

30 Ko te fenua ʼae neʼe natou nonofo ai neʼe kamata mai Mesa ʼo aʼu ki Sefale, te potu moʼugaʼia ʼo te potu Esite.

31 Ko te ʼu foha ʼaia ʼo Semi ʼo mulimuli ki ʼonatou famili, mo ʼanatou lea, mo ʼonatou fenua pea mo ʼonatou puleʼaga.+

32 Neʼe ko te ʼu famili ʼaia ʼo te ʼu foha ʼo Noe ʼo mulimuli ki ʼonatou hologa pea mo ʼonatou puleʼaga. Neʼe hifo mai ia natou ʼaia te hahaʼi ʼo te ʼu puleʼaga ʼae neʼe mavetevete ʼi te kele hili te Tulivio.+