Apetiasi
1 Ko te meʼa ʼaeni neʼe ha kia Apetiasi:*
Koʼeni te meʼa ʼae ʼe ui e te Tuʼi ʼAliki ko Sehova ʼo ʼuhiga mo Etome:+
“Neʼe matou logo ki he logo ʼe haʼu mai ia Sehova,
Neʼe fekauʼi he tagata ʼave logo ke alu ʼo ui ki te ʼu puleʼaga:
‘Kotou tutuʼu ake! Tou teuteu ke tou olo ʼo tauʼi ia Etome.’ ”+
2 “Koʼeni, neʼe au fakamalaloʼi koe ʼi te ʼu puleʼaga.
Kua meʼa noaʼi ʼaupito ia koe.+
3 Neʼe ke kakaʼi pe ia koe totonu ʼuhi ko tau fiameʼalahi.+
ʼE ke nofo ʼi te ʼu ava ʼo te ʼu fuʼu maka,
Pea mo te ʼu potu maʼoluga. Koia, ʼe ke ui ai ʼi tou loto:
‘Ko ai anai ka ina fakahifo au ki lalo?’
4 Kapau ʼe ke nofo ʼi hou nofoʼaga maʼoluga ohage ko ʼae ʼo te akuila,
Peʼe ke fakatuʼu ʼi te ʼu fetuʼu,
ʼE au fakahifo anai koe mai ai,” ko te ui ʼaia ʼa Sehova.
5 “Kapau ʼe ʼomai ni tagata kaihaʼa kio koe ʼi te poʼuli,
ʼE mole natou toʼo pe anai koa te meʼa ʼae ʼe natou loto ki ai?
Kapau ʼe ʼomai ni tagata toli vite kio koe,
6 Neʼe hakili te ʼu meʼa fuli ʼa Esau!
Neʼe kumi ʼona koloa ʼae neʼe fufu ʼi te ʼu potu fuli!
7 Neʼe kapu koe ki te tuʼakoi ʼo te fenua e natou pe ʼae neʼe kau mo koe.
Neʼe natou kakaʼi fuli koe.
Pea neʼe puleʼi koe e te ʼu tagata ʼae neʼe tokalelei mo koe.
ʼE fakatuʼu anai he hele ke puke ai koe e natou ʼae neʼe kotou kai fakatahi te pane,
Kae ʼe mole ke tokagaʼi anai.”
8 ʼE ui e Sehova: “ ʼI te ʼaho ʼaia,
ʼE mole au pulihi anai koa te kau popoto ʼi Etome,+
ʼO feia mo te fakasiosio tonu ʼi te potu moʼugaʼia ʼo Esau?
9 Temane,+ ʼe matataku anai ʼau tagata tau,+
Koteʼuhi ʼe matehi anai ia natou fuli ʼo te potu moʼugaʼia ʼo Esau.+
10 Neʼe ke agamalohi ki tou tehina ko Sakopo.+
Koia, ʼe ke ufiufi lahi anai+
Pea ʼe fakaʼauha anai koe ʼo talu ai.+
11 Neʼe ke tuʼu kehe pea neʼe mole ke fai he meʼa.
ʼI te ʼaho ʼae neʼe ʼave popula ai tana kautau e he kau matapule,+
Pea mo tanatou feulufi ki tona kolo* ʼo fai ai ni toho*+ ʼo ʼuhiga mo Selusalemi,
Neʼe ke fai pe ohage ko natou.
12 ʼAua naʼa ke fiafia ʼi tau sio ki te meʼa ʼae ʼe hoko ki tou tehina ʼi te ʼaho ʼo tona malaʼia.+
ʼAua naʼa ke fakafiafia ʼi tau sio ki te fakaʼauha ʼo te hahaʼi ʼo Suta.+
ʼAua naʼa ke palalau fiameʼameʼa ʼi tonatou ʼaho mamahi.
13 ʼAua naʼa ke ulu ki te kolo ʼo taku hahaʼi ʼi tonatou ʼaho malaʼia.+
ʼAua naʼa ke sio ki tonatou mamahi ʼi tonatou ʼaho malaʼia, pea ke fiafia ai.
Pea ʼaua naʼa ke kaihaʼa ʼonatou koloa ʼi tonatou ʼaho malaʼia.+
14 ʼAua naʼa ke tuʼu ʼi he magaʼi ala ʼo matehi ia natou ʼae neʼe feholaki.+
Pea ʼaua naʼa ke tuku ki te fili ia natou ʼae neʼe hao ʼi te ʼaho ʼo te mamahi.+
15 ʼE kua ovi mai te ʼaho ʼo Sehova ke fakafeagai ai ki te ʼu puleʼaga fuli.+
ʼE fai anai kia koe ʼo mulimuli pe ki te meʼa ʼae neʼe ke fai.+
ʼE hage pe anai tou gaohi ko tau gaohi te hahaʼi.
16 ʼE mahino ia, ʼe inu vino tuʼumaʼu anai te ʼu puleʼaga fuli,+
Ohage pe ko tau inu vino ʼi toku moʼuga taputapu.
ʼE natou inu fuli anai te vino,
Pea ʼe hage anai neʼe mole natou maʼuʼuli ʼi he temi.
17 ʼE tutuʼu anai ʼi te Moʼuga ʼo Sione ia natou ʼae neʼe feholaki,+
Pea ʼe natou maʼoniʼoni anai.+
Pea ʼe toe maʼu anai e te hologa ʼo Sakopo ʼona koloa.+
18 ʼE liliu anai te hologa ʼo Sakopo ko he afi,
Mo te hologa ʼo Sosefo ko he uloʼi afi.
Pea ʼe natou tutu anai ke gosigosi
Ia te hologa ʼo Esau ʼae ʼe hage ko he luna moamoa.
ʼEi, ʼe mole hao anai he tahi ʼi te hologa ʼo Esau,+
He ʼe ko au Sehova neʼe au palalau.
19 ʼE natou maʼu anai te Nekepe, mo te potu moʼugaʼia ʼo Esau,+
Mo te Sefela pea mo te fenua ʼo te kau Filisitini.+
ʼE natou toe maʼu anai mo te ʼu fenua ʼo Efalaimi pea mo Samalia.+
Pea ʼe maʼu anai e Pesamino ia Kileate.
20 ʼE maʼu anai e te kau popula ʼo te kolo tau ʼaeni te fenua ʼo te kau Kanaane ʼo kaku ki Salepate.+
ʼEi, ʼe maʼu anai e te hahaʼi ʼo Iselaele.+
Pea ʼe maʼu anai te ʼu kolo ʼo te Nekepe e te kau popula ʼo Selusalemi, ʼae neʼe ʼi Sefalate.+