8:2​—Ko Moapite e fia ʼaē neʼe matehi ʼi tanatou ʼosi fetauʼaki mo Iselaele? Neʼe lagi fakafuafua tonatou kaugamālie ʼaki te fua ʼo te loa ʼo he fakaʼatu ʼo nātou kae neʼe mole lau ia nātou. ʼE ʼiloga mai ko Tavite neʼe ina fakatakoto fakaʼatu te kau Moapite. Pea neʼe ina toʼo te maea ʼo fua te loa ʼo te ʼatu ʼaia. ʼE ʼiloga ia ko te ʼu fua e lua, peʼe ko te vaega e lua ʼi te tolu ʼo te kau Moapite, neʼe matehi, pea ko te fua e tahi, peʼe ko te vaega e tahi ʼi te tolu, neʼe hāofaki.

8:2. Neʼe fakahoko te lea fakakikite neʼe fai ia taʼu e 400 ki muʼa atu. (Faka au 24:17) ʼE hoko tuʼumaʼu te folafola ʼa Sehova.