Pea ʼe palalau leva te hau poto ki te kau tūpulaga, ʼo ina ʼui fēnei: “Fakalogo, Ê toku foha, ki te akonaki ʼa tau tāmai, pea ʼaua naʼa ke līaki te lao ʼo tau faʼe. Heʼe ko te ʼu meʼa ʼaia ʼe ko he pale taulekaleka ki tou ʼulu pea mo he kahoa matalelei ki tou kia.”​—Tāʼaga Lea 1:​8, 9.

ʼI tona fakahagatonu, ʼi te Tohi-Tapu katoa, ko te famili ʼe ko te faʼahi tāfito ʼaia ʼaē ʼe foaki ai te ako. (Efeso 6:​1-3) Ko te ʼu tamaliki ʼaē ʼe fakalogo ki tanatou ʼu mātuʼa, ʼi hona ʼaluʼaga fakatā, ʼe fakamataleleiʼi nātou ʼaki he pale taulekaleka pea mo he kahoa matalelei.