Kotea ʼe Loto e Te ʼAtua Ke Tou Maʼu?

ʼE ui ʼi te Tohi-Tapu ‘ʼe nounou te maʼuli ʼo te tagata pea ʼe lahi te ʼu fihifihia ʼe tau mo ia.’ (Sopo 14:1) Ko te maʼuli koa ʼaia ʼe loto e te ʼAtua ke tou maʼu? Kae kotea ʼe ina loto ke tou maʼu? Pea ʼe hoko anai ʼafea? Tou vakaʼi ʼona tali ʼi te Tohi-Tapu.

1. ʼE loto e Sehova ke feafeaʼi tou maʼuli?

ʼE loto e Sehova ke lelei tou maʼuli pea mo ke fiafia. ʼI tana fakatupu ia Atama mo Eva, neʼe ina tuku naua ki he ʼoloto matalelei, ia te ʼoloto ʼo Eteni. Pea “neʼe tapuakiʼi naua e te ʼAtua, pea neʼe ina ui age kia naua: ‘Kolua fanaunau pea mo liliu ʼo hahaʼi, kolua fakahahaʼi pea mo puleʼi te kele.’” (Senesi 1:28) Neʼe loto e Sehova ke nā maʼu fanau, mo fakaliliu te kele ko he palatiso pea ke nā tokakaga ki te ʼu manu. Koia, neʼe ko te fakatuʼutuʼu ʼa te ʼAtua ke maʼuli haohaoa mo fiafia te tagata pea ke maʼuli ʼo heʼe gata.

ʼE mole ko te maʼuli ʼaia ʼe ke sio ki ai ia ʼaho nei.a Kae ʼe heʼeki fetogi te fakatuʼutuʼu ʼa Sehova. (Esaia 46:10, 11) ʼE kei loto pe e Sehova ke maʼuli te hahaʼi fakalogo ʼo heʼe gata.—Lau ia Apokalipesi 21:3, 4.

2. Kotea ʼe tonu ke ke fai ke ʼi ai he ʼuhiga ʼo tou maʼuli?

Neʼe fakatupu tatou e Sehova ‘mo te ʼaoga ʼae kia tatou te ʼu meʼa fakalaumalie.’ Koia ʼae ʼe tou fia iloʼi ai ia ia pea mo tauhi kia te ia. (Lau ia Mateo 5:3-6.) ʼE ina loto ke tou kaumeʼa mo ia, mo ‘haʼele ʼi ʼona ala, mo ʼofa’ pea mo tauhi kia te ia ‘ʼaki totatou loto katoa.’ (Tetelonome 10:12; Pesalemo 25:14) Ka ke fai feia, pea ʼe ke fiafia anai logo la te ʼu fihifihia ʼe ke tau mo ia. Koia, ka ke tauhi kia Sehova, pea ʼe ke logoʼi ʼe ʼi ai he ʼuhiga moʼoni ʼo tou maʼuli. Kotea tona tupuʼaga? He ʼe ke fai te meʼa ʼae ʼe loto ki ai ia ia ʼae neʼe ina fakatupu te maʼuli.

3. ʼE loto e Sehova ke maʼuli fiafia te tagata

Vakaʼi te ʼATA VITEO, pea fai te fehuʼi ʼae ʼe hoa mai.

ʼATA VITEO: He Koʼe Neʼe Fakatupu e Te ʼAtua Ia Te Kele?—Kogaʼi ʼAta (1:41)

• He koʼe neʼe matalelei te fakatupu e te ʼAtua ia te kele?

Lau ia Ekelesiasi 3:11, pea fai te fehuʼi ʼaeni:

• Kotea ʼe ke ako ʼi heni ʼo ʼuhiga mo Sehova?

4. ʼE heʼeki fetogi te fakatuʼutuʼu ʼa te ʼAtua

Lau ia Pesalemo 37:11, 29 mo Esaia 55:11, pea fai te fehuʼi ʼaeni:

• ʼE tou iloʼi feafeaʼi ʼe heʼeki fetogi te fakatuʼutuʼu ʼa Sehova maʼa tatou?

5. Ka ke tauhi kia Sehova, ʼe ʼi ai he ʼuhiga moʼoni ʼo tou maʼuli

ʼATA VITEO: Kua Au Mahino Ki Te ʼUhiga ʼo Te Maʼuli (5:03)

• Kotea ʼae neʼe hoko kia Terumi ʼi tana iloʼi ʼae ʼe ʼi ai te ʼuhiga moʼoni ʼo te maʼuli?

Lau ia Ekelesiasi 12:13, pea fai te fehuʼi ʼaeni:

• Neʼe fai e Sehova ia meʼa fuli maʼa tatou, koia kotea ʼe tonu ke tou fai moʼo fakaha totatou lotofakafetaʼi?

MANATU TAFITO

ʼE loto e Sehova ke tou maʼuli fiafia mo haohaoa ʼi te kele, ʼo heʼe gata. Ka tou tauhi kia te ia ʼaki totatou loto katoa, pea ʼe ʼi ai anai he ʼuhiga moʼoni ʼo totatou maʼuli, maʼia ia ʼaho nei.

Fehuʼi Fakamanatu

• Neʼe kotea te fakatuʼutuʼu ʼa Sehova maʼa Atama mo Eva?

• ʼE tou iloʼi feafeaʼi ʼe heʼeki fetogi te fakatuʼutuʼu ʼa te ʼAtua maʼa te tagata?

• Kotea ʼe tonu ke ke fai ke ʼi ai he ʼuhiga moʼoni ʼo tou maʼuli?

TE TAHI ʼU MANATU

Neʼe ʼi ai moʼoni koa he ʼoloto ʼo Eteni?

“Ko Te ʼŌloto ʼo Eteni—ʼE Moʼoni Koa Peʼe Ko He Fāgana?” (Ko Te Tule Leʼo ʼaho 1 ʼo Fepualio 2011)

He koʼe ʼe tou tui papau ʼe mole pulihi anai te kele?

“ʼE Maumauʼi Anai Koa Te Kele?” (Alatike ʼi te jw.org)

Te manatu ʼa te Tohi-Tapu ʼo ʼuhiga mo te ʼuhiga moʼoni ʼo te maʼuli.

“Kotea Te ʼUhiga Moʼoni ʼo Te Maʼuli?” (Alatike ʼi te jw.org)

Ko te hisitolia ʼo he tagata neʼe ina tokagaʼi ʼe ʼi ai te meʼa ʼe tonu ke ina maʼu ke ʼi ai he ʼuhiga moʼoni ʼo tona maʼuli.

Kua ʼi Ai Leva He ʼUhiga ʼo Toku Maʼuli Ia ʼAho Nei (3:55)