TE MAʼULI FAKAKILISITIANO
Te Faifakamafola Pea Mo Te Faiako—ʼE Maʼuhiga Ki Te Fai ʼo Ni Tisipulo
Neʼe fakatotonu e Sesu ki ʼana tisipulo ke natou olo ʼo fai ni tisipulo. (Mat 28:19) Ko tona fakaʼuhiga ke faifakamafola mo faiako. Koia, ʼe tonu ai kia tatou fuli ʼi ʼihi temi ke tou fai te fehuʼi ʼaeni: ‘ ʼE feafeaʼi haku tuputupu ʼi te gaue ʼae ko te fai ʼo ni tisipulo?’
TE FAIFAKAMAFOLA
ʼE tonu ke tou haga kumi fakamalotoloto ia te hahaʼi ʼae ʼe “tuha,” kae ʼe mole tou atalitali pe ke natou fakaovi mai kia tatou. (Mat 10:11) Pea ʼe tou mahino koa moka tou faifakamafola ʼi he koga meʼa, ki te ʼu faiga malie ʼae ke tou faipalalau mo te hahaʼi ʼae ʼe tou maʼu ai? (Gau 17:17) Neʼe liliu ia Litia ko he tisipulo ʼuhi ko te faifakamafola faiva ʼa Paulo.—Gau 16:13-15.
“Nunusi tau pulapula mai te uhu pea aua naa tuku ke malolo tou nima i te afiafi” (Ekl 11:6)
VAKAʼI TE ʼATA VITEO KOTOU HAGA FAIFAKAMAFOLA—FAIFAKAMAFOLA FAIGAMALIE PEA ʼI TE ʼU ʼAPI PEA MO TALI KI TE ʼU FEHUʼI ʼAENI:
Neʼe fakaha feafeaʼi e Samuele tana faiga ʼae ke ina to te pulapula ʼo te moʼoni?
He koʼe ʼe tonu ke tou faʼafai ʼi te ʼu faʼahiga faifakamafola fuli pe?
ʼI te ʼaho fuli, ko ai ʼae ʼe feala ke ke palalau ki ai ʼo ʼuhiga mo te logo ʼo te Puleʼaga ʼo te ʼAtua?
TE FAIAKO
Moʼo fai ni tisipulo, ʼe mole gata ʼaki pe tatatou tuku he ʼu tohi ki te hahaʼi. Kae kapau ʼe tou fia tokoni ke natou tuputupu ʼi te faʼahi fakalaumalie, ʼe tonu anai ke tou olo ʼo ʼaʼahi natou pea mo fai ni ako Tohi-Tapu. (1Ko 3:6-9) Kae, ʼe feafeaʼi la moka ʼe mole he fua ʼo ʼatatou faiga ʼae ke tou akoʼi natou ʼo ʼuhiga mo te Puleʼaga? (Mat 13:19-22) ʼE tonu ke tou haga kumi tuʼumaʼu pe ia natou ʼae ʼe hage ʼonatou loto ko he “kele lelei.”—Mat 13:23; Gau 13:48.
“Neʼe au to, pea neʼe fakavai e Apolose, kaʼe neʼe haga fakatuputupu e te ʼAtua” (1Ko 3:6)
VAKAʼI TE ʼATA VITEO KOTOU HAGA FAIFAKAMAFOLA—’I TE ’U KOGA MEʼA ʼAE ʼE FAKALAKA AI TE HAHAʼI PEA KOTOU FAI NI TISIPULO PEA MO TALI KI TE ʼU FEHUʼI ʼAENI:
Neʼe feafeaʼi te fakavai e Salomone pea mo Malia te pulapula ʼo te moʼoni ʼi te ʼu loto ʼo Esekiele pea mo Apikaile?
Kotea te fakatuʼutuʼu ʼae ka tou fai anai ʼi te ʼu faʼahiga faifakamafola fuli ʼae kau ai te faifakamafola ki te kaugā malie?
ʼE tou fakaha feafeaʼi te maʼuhiga ʼo te akoʼi ʼo te moʼoni ki te hahaʼi?