4. Tou liʼaki te ʼu aga ʼae ʼe kovi

ʼE faigataʼa ki he tahi ʼe suluka peʼe toloke hana tuku te faʼahi ʼaia. Kapau ʼe ke tau mo te aluʼaga ʼaia, ʼe feafeaʼi hau liʼaki? ʼAki hau fakakaukauʼi ʼona fua kovi ki tou maʼuli. Lau ia Mateo 22:37-39, pea fai te fehuʼi ʼaeni: Kapau ʼe suluka he tahi peʼe toloke, kotea anai ʼona fua . . .

• ki ʼana felogoi mo Sehova?

• ki tona famili pea mo ʼihi?

Fai hau fakatuʼutuʼu ke ke liʼaki te aga ʼaia ʼe kovi.a Vakaʼi te ʼATA VITEO.

ʼATA VITEO: ʼE Feafeaʼi Hau Lotololomi? (2:47)

Lau ia Filipe 4:13, pea fai te fehuʼi ʼaeni:

• Ka tou tauʼi he agamahani ʼe heʼe maʼa, ʼe tokoni feafeaʼi mai te faikole, te ako ʼo te Tohi-Tapu pea mo te ʼu fono?

5. Tou tauʼi ni manatu mo ni aga heʼe maʼa

Lau ia Kolose 3:5, pea fai te ʼu fehuʼi ʼaeni:

• He koʼe ʼe heʼe maʼa kia Sehova te ʼu aga ʼaeni: te sioʼi ʼo ni ʼata peʼe pāki ʼe kovi, mo te momoli ʼo ni palalau peʼe ko ni pāki peʼe ʼata heʼe ʼaoga ʼi te ʼu kiʼi masini, pea mo te fai ʼo te aga ko te mulu?

• ʼE fefeka fau koa ia Sehova ʼi tana kole mai ke tou maʼa ʼi te aga ʼe tonu ke fai? Kotea tona tupuʼaga?

ʼE feala ke tou tauʼi he ʼu aga heʼe maʼa. Vakaʼi te ʼATA VITEO.

ʼATA VITEO: Fai He Puleʼaki Ke Ke Nofo Maʼa (1:51)

Neʼe fakaʼaogaʼi e Sesu he ʼu palalau fakata moʼo fakaha te meʼa ʼae ʼe tonu ke tou fai ke tou maʼa ʼi te aga ʼe tonu ke fai. Lau ia Mateo 5:29, 30, pea fai te fehuʼi ʼaeni:

• Neʼe mole fia ui e Sesu ke tou fakamamahiʼi ia tatou kae ke tou fai he puleʼaki. Kotea ʼe feala ke tou fakatotonu ke tou fai ke tou liʼaki he ʼu manatu heʼe maʼa?b

Kapau ʼe ke tauʼi ni manatu heʼe maʼa, pea ʼe sio ia Sehova ki ʼau faiga. Lau ia Pesalemo 103:13, 14, pea fai te fehuʼi ʼaeni:

• Kapau ʼe ke tauʼi he aga heʼe maʼa, ʼe tokoni feafeaʼi atu te ʼu manatu ʼo te ʼu vaega ʼaeni ke ke haga tauʼi?

ʼAua naʼa ke lotovaivai!

ʼE lagi feala ke ke manatu ‘ʼe mole au lavaʼi, ʼe lelei age pe taku tuku.’ Kae tou toʼo te faʼifaʼitaki ʼo he tagata lele. ʼE mole leva ui neʼe tukia mo toka pea ʼe mole ina lava fakaʼosi tana lele peʼe tonu ke toe liliu ki te kamata. ʼO toe feia pe, ka ke toe to ki tou vaivaiʼaga, ʼe mole ui leva kua ʼosi ia meʼa fuli pea ʼe mole he ʼuhiga ʼo te ʼu faiga ʼae neʼe kua ke fai. Ko te ʼuhiga ia moka kita faiga ke kita tuku he agamahani ʼe kovi. Koia, ʼaua naʼa ke lotovaivai! ʼE ke lava tauʼi tau agamahani ʼaia ʼe kovi ʼaki te tokoni ʼa Sehova.

6. Kotea ʼe tokoni mai ke tou tuku te inu kava fakavale?

ʼATA VITEO: Neʼe Mole Kei Au Leleiʼia Toku Faʼahiga Maʼuli (6:32)

• Neʼe kotea te ʼu fua ʼo te inu kava ʼa Dmitry?

• Neʼe ina lava tuku atu aipe koa tana inu kava?

• Kotea ʼae neʼe tokoni ki ai ke ina tuku ʼosi tana inu kava fakavale?

Lau ia 1 Kolonito 6:10, 11, pea fai te ʼu fehuʼi ʼaeni:

• Kotea ʼe hoko mo kapau ʼe tou inu kava fakavale?

• Kotea ʼe ha mai ʼe feala ki he tahi ʼe inu kava fakavale ke fetogi?

Lau ia Mateo 5:30, pea fai te fehuʼi ʼaeni:

• Ko te manatu ʼae ke tuʼusi te nima ko tona fakaʼuhiga ʼe tonu ke tou fai he ʼu sakilifisio moʼo fakafiafiaʼi ia Sehova. Kotea ʼe feala ke ke fai mo kapau ko tou fihifihia ko te kava?a

Lau ia 1 Kolonito 15:33, pea fai te fehuʼi ʼaeni:

• Kotea anai te manatu ʼo ʼou kaumeʼa moka ke inu he moʼi kava?