KAPITE 45
ʼE Mole Kau Te Kau Kilisitiano ʼi Te ʼu Fihi ʼo Te Malama
Neʼe akoʼi e Sesu ki ʼana tisipulo ke ‘mole natou kau ki te malama ʼaeni.’ (Soane 15:19) Ko tona fakaʼuhiga ʼe tonu ke natou nofo ʼateaina mai te politike pea mo te ʼu tau. ʼE tou mahino ʼe mole faigafua tuʼumaʼu te nofo ʼateaina mai te ʼu faʼahi ʼaia. ʼE feala ke fatufatuʼi peʼe vaʼi ai tatou. ʼE feafeaʼi hatatou taupau tatatou ʼateaina pea mo nofo agatonu kia Sehova?
1. Kotea te manatu ʼa te kau Kilisitiano moʼoni ki te ʼu puleʼaga fakatagata?
ʼE fakaʼapaʼapa te kau Kilisitiano ki te ʼu puleʼaga ʼae kua fakatuʼu. Neʼe ui mai e Sesu ʼe tonu ke “liufaki te ʼu meʼa ʼa Sesale kia Sesale.” Ko tona fakaʼuhiga ʼe tonu ke tou fakalogo ki te ʼu lao ʼo te fenua, ohage la ko te totogi ʼo ʼatatou tukuhau. (Maleko 12:17) ʼE fakamahino mai ʼi te Tohi-Tapu ʼe pule pe te ʼu puleʼaga he ʼe fakagafua e Sehova. (Loma 13:1) Ko tanatou pule ʼe fakatemi pe. ʼE tou falala ki te ʼAtua he ʼe ko tona Puleʼaga pe ʼae ʼi selo ʼe feala ke ina fakatokatoka te ʼu fihifihia ʼa te tagata.
2. ʼE fakaha feafeaʼi e he Kilisitiano ʼe mole kau ʼi te ʼu fihi ʼo te malama?
ʼE mole faipolitike te kau Fakamoʼoni ʼa Sehova. ʼE natou muliʼi te faʼifaʼitaki ʼa Sesu. ʼI te tahi ʼaho, neʼe fia fakanofo e te hahaʼi ke hau ʼi tana ʼosi fai he milakulo kae neʼe fakafisi ia ki ai. (Soane 6:15) Kotea tona tupuʼaga? ʼI te tahi lakaga neʼe ina ui fenei: “ʼE mole kau toku Puleʼaga ʼi te malama ʼaeni.” (Soane 18:36) ʼI te ʼaho nei, ʼe tou fakaha ʼe mole tou kau ki te ʼu fihi ʼo te malama ia aluʼaga kehekehe. Ohage la, ʼe mole tou kau ʼi te ʼu tau. (Lau ia Mikea 4:3.) ʼE tou fakaʼapaʼapa ki te fuka kae ʼe mole tou atolasio ki ai. (1 Soane 5:21) ʼE mole tou kau peʼe fakafeagai ki he tahi peʼe ko he faʼahi fakapolitike. ʼI te ʼu aluʼaga ʼaia, ʼe tou fakaha ai tatatou tapiki ʼateaina ki te Puleʼaga ʼo te ʼAtua.
TA FAKALOLOTO
Ta vakaʼi he ʼu aluʼaga ʼe faigataʼa ai takita kau ki te ʼu fihi ʼo te malama, pea mo te ʼu faʼahiga tonu ʼe kita toʼo moʼo fakafiafiaʼi ia Sehova.
3. ʼE mole kau te kau Kilisitiano moʼoni ʼi te ʼu fihi ʼo te malama
Neʼe tuku mai e Sesu mo ʼana tisispulo he faʼifaʼitaki ke tou mulimuli ki ai. Lau ia Loma 13:1, 5-7 mo 1 Petelo 2:13, 14. Pea, vakaʼi te ʼATA VITEO mo fai te ʼu fehuʼi ʼae ʼe hoa mai.
He koʼe ʼe maʼua ke tou fakaʼapaʼapa ki te ʼu puleʼaga fakatagata?
ʼE feafeaʼi hatatou fakaha ʼe tou fakalogo kia natou?
Ka hoko he tau, ʼe ui e ʼihi fenua ʼe mole natou kau ki te ʼu fihi ʼo te malama. Kae ʼi tona ia fakahagatonu ʼe lagolago pe ia ki te ʼu faʼahi lua. Kotea te fakaʼuhiga moʼoni ʼo takita mole kau ʼi te ʼu fihi ʼo te malama? Lau ia Soane 17:16. Pea, vakaʼi te ʼATA VITEO mo fai te fehuʼi ʼae ʼe hoa mai.
Kotea te fakaʼuhiga ʼo te mole kau ʼi te ʼu fihi ʼo te malama?
ʼE feafeaʼi moka kole mai e te puleʼaga ke tou fai he faʼahi ʼe fakafeagai ki te ʼu lao ʼa te ʼAtua? Lau ia Gaue 5:28, 29. Pea, vakaʼi te ʼATA VITEO mo fai te ʼu fehuʼi ʼae ʼe hoa mai.
Kapau ʼe fakafehagai he lao ʼo te puleʼaga ki he lao ʼa te ʼAtua, ko te lao fea ʼae ʼe tonu ke tou fakalogo ki ai?
Ko te ʼu aluʼaga fea ʼe mole fakalogo ai he Kilisitiano ki te ʼu puleʼaga fakatagata?
4. ʼE tonu ke ha ʼi ʼatatou manatu mo aga
Lau ia 1 Soane 5:21. Pea, vakaʼi te ʼATA VITEO mo fai te ʼu fehuʼi ʼae ʼe hoa mai.
He koʼe neʼe fakafisi ia Ayenge ʼi te kau ki he faʼahi politike peʼe ko he ʼu toʼotoʼoga fakafenua ohage ko te fakaʼapaʼapa ki te fuka?
ʼI tau manatu la, neʼe ina toʼo koa he tonu ʼe lelei?
Kotea he tahi ʼu aluʼaga ʼe faigataʼa ai hatatou mole kau ʼi te ʼu fihi ʼo te malama? Vakaʼi te ʼATA VITEO, pea mo fai te ʼu fehuʼi ʼae ʼe hoa mai.
ʼE feafeaʼi hatatou nonofo ʼateaina moka tou sioʼi he ʼu faigaoʼi?
ʼE feafeaʼi hatatou nonofo ʼateaina moka fai e te puleʼaga he lao?
ʼE feafeaʼi hatatou mole kei taupau tatatou ʼateaina moka tou fakalogo te ʼu meʼa ʼae ʼe lau ʼi te ʼu tala logo mo te hahaʼi ʼae ʼe tou fakatahi mo ia?
Kotea te ʼu aluʼaga ʼe tonu ai ki he Kilisitiano ke tokaga ai naʼa kau ʼi te ʼu fihi ʼo te malama?
ʼE UI ʼE ʼIHI: “He koʼe ʼe mole ke hiva te hiva fakapuleʼaga peʼe fai he fakaʼapaʼapa ki te fuka?”
Kotea anai tau tali?
MANATU TAFITO
ʼE tonu ke ʼasi ʼi te ʼu manatu ʼa he Kilisitiano, mo tana ʼu palalau pea tana aga ʼe mole kau ʼi te ʼu fihi fakapolitike ʼo te malama.
Fehuʼi Fakamanatu
ʼE tonu ke feafeaʼi tatatou aga ki te ʼu puleʼaga?
He koʼe ʼe mole tou kau ʼi te fihi fakapolitike?
Ko te ʼu aluʼaga fea ʼe faigataʼa ai hatatou mole kau ʼi te ʼu fihi ʼo te malama?
TE TAHI ʼU MANATU
Kotea te ʼu sakilifisio ʼe feala ke fai e he Kilisitiano ke mole kau ʼi te ʼu fihi ʼo te malama?
ʼE feafeaʼi ki he famili hanatou teuteu fakatomuʼa moka ʼahiʼahiʼi tanatou mole fia kau ʼi te ʼu fihi ʼo te malama?
Ko he hisitolia ʼo he tagata neʼe manatu neʼe maʼuhiga ʼaupito ke ina tauʼi tona fenua.
Ka kita filifili hakita gaue, ʼe feafeaʼi hakita fakaha ʼe mole kita kau ʼi te ʼu fihi ʼo te malama?
“E Tahi Fuaʼpe Anai e Te Tagata Tana Kavega” (Ko Te Tule Leʼo ʼaho 1 ʼo Apelili 2006)