12. Kotea ʼae ʼe kehe ai te fakatuʼuake ʼa Sesu pea mo te fakatuʼuake ʼae neʼe hoko ki muʼa atu, ʼo mulimuli kia 1 Petelo 3:18, 22?

¹² Neʼe iloʼi papau e Paulo neʼe “kua fakatuʼuake ia Kilisito.” Neʼe lelei age te fakatuʼuake ʼaia ʼa Sesu, ʼi te ʼu fakatuʼuake ʼae neʼe hoko ki muʼa atu, koteʼuhi neʼe toe mamate pe te hahaʼi ʼaia ki muli age. Neʼe ui e Paulo neʼe ko Sesu ʼae “neʼe ʼuluaki fakatuʼuake mai te kau mate.” Pea ʼe moʼoni, he neʼe ko ia ʼae neʼe ʼuluaki fakatuʼuake ʼo liliu ko he laumalie, pea neʼe ko ia te ʼuluaki tagata ʼae neʼe hake ki selo.—1 Ko. 15:20; Gaue 26:23; lau ia 1 Petelo 3:18, 22.

16. Kotea te fakaʼuhiga ʼo te ui ʼae ʼa Paulo ko Sesu “ ʼae neʼe ʼuluaki fakatuʼuake”?

¹⁶ Neʼe ui e Paulo ʼe ko Kilisito “ ʼae neʼe ʼuluaki fakatuʼuake mai te kau mate.” ʼE moʼoni, neʼe fakatuʼuake ʼihi, ohage ko Lasalo, ʼi te kele. Kae neʼe ko Sesu ʼae neʼe ʼuluaki fakatuʼuake ko he laumalie, pea mo maʼuli ʼo heʼe gata. Tahi ʼae, ʼi te ui ʼae ʼa Paulo ko Sesu “ ʼae neʼe ʼuluaki” fakatuʼuake, ko tona fakaʼuhiga ʼe toe fakatuʼuake anai ʼihi atu hahaʼi ke natou maʼuʼuli ʼi selo. ʼE kau ia natou ʼaia te kau apositolo pea mo te ʼu tisipulo ʼa Kilisito ʼae neʼe fakanofo ʼaki te laumalie.