-
Kotea Te Puleʼaga ʼo Te ʼAtua?Ke Ke Fiafia ʼo Heʼe Gata: Faipalalau Ki Te Tohi-Tapu
-
-
2. Ko ai ʼe kaugā hau mo Sesu?
ʼE mole ko Sesu pe ʼae ʼe pule ʼi te Puleʼaga. ʼE ui ʼi te Tohi-Tapu ʼe ʼi ai “he hahaʼi mai te ʼu telepi fuli, mo te ʼu lea fuli, mo te ʼu lanu fuli pea mo te ʼu fenua fuli, . . . ʼe tonu ke natou hau ki te kele.” (Apokalipesi 5:9, 10) ʼE natou toko fia? Talu pe te hifo mai ʼa Sesu ki te kele mo te liliu ʼa te toko lauʼi miliona hahaʼi ko ʼana tisipulo. Kae ʼe mole natou olo fuli ki selo ʼo kaugā hau mo ia. ʼE ko te toko 144000 pe ʼae ka kaugā hau mo Sesu. (Lau ia Apokalipesi 14:1-4.) ʼE maʼuʼuli anai te kau tisipulo fuli ʼae ʼi te kele ʼo fakalogo ki te Puleʼaga ʼo te ʼAtua.—Pesalemo 37:29.
-
-
Kotea Te Puleʼaga ʼo Te ʼAtua?Ke Ke Fiafia ʼo Heʼe Gata: Faipalalau Ki Te Tohi-Tapu
-
-
6. He kau taki ʼe lotomahino
Neʼe maʼuli ia Sesu, te Hau ʼo te Puleʼaga, ʼi te kele ohage pe ko te tagata fuli. Koia ʼe feala ke “lotomahino ki ʼotatou vaivaiʼaga.” (Hepeleo 4:15) Neʼe filifili e Sehova he toko 144000 ke kaugā hau mo Sesu. Pea ʼe ko ni hahaʼi tagata mo fafine ʼe omai “mai te ʼu telepi fuli, mo te ʼu lea fuli, mo te ʼu lanu fuli pea mo te ʼu fenua fuli.”—Apokalipesi 5:9.
Kotea ʼe ke logoʼi ʼi tau iloʼi ʼae ʼe mahino ia Sesu mo te toko 144000 ki te ʼu meʼa ʼae ʼe ke logoʼi mo ʼou fihifihia?
Neʼe filifili e Sehova ni tagata mo fafine mai te ʼu fenua kehekehe ke kaugā hau mo Sesu
-