‘Marchons par la foi, non par la vue’

ʼI muʼa pe ʼo te ʼa takatakai pea mo te maumauʼi ʼo Selusalemi, neʼe ui e te apositolo ko Paulo ʼe felaveʼi anai te kau Kilisitiano mo he ʼu ʼahiʼahi ʼi tonatou ʼuhiga kau solia ʼa Kilisito. Pea ʼe mole tonu ke natou fakamuʼamuʼa ʼonatou koloa. (2 Tim. 2:3, 4) ʼE lahi anai te ʼu mamahi ʼi te malama ʼaeni, koia ʼae ʼe ʼaoga ai ke malohi tatatou tui ke tou tokakaga tafitō ki te ʼu meʼa fakalaumalie. (2 Ko. 4:18; 5:7, MN) Tou sioʼi ia te ʼata viteo Marchons par la foi, non par la vue (Vakaʼi ʼi te jw.org/fr, ʼi te kupu tafitō PUBLICATIONS > VIDÉOS.) Tou vakaʼi pe neʼe liliu feafeaʼi te ʼu koloa ko he hele kia Naham mo Abital. Pea, ʼe tou vakaʼi anai te ʼu fehuʼi ʼae ka hoa mai.

(1) Kotea ia ‘te meʼa fakalialia ʼae ʼe tuʼu ʼi te potu taputapu’ ʼi te ʼuluaki sekulo? Pea kotea ia te tonu ka toʼo anai e te kau Kilisitiano ʼae neʼe maʼuʼuli ʼi Selusalemi? (Mat. 24:15, 16) (2) He koʼe neʼe ʼaoga ke natou maʼu ia te tui ke feala hanatou mavae ʼi te kolo? (3) Kotea ia te ʼu sakilifisio neʼe tonu ke natou fai? (4) He koʼe neʼe fakatuatuai te olo ʼa Naham mo Abital? (Mat. 24:17, 18) (5) Kotea ia te tahi ʼahiʼahi neʼe felaveʼi mo Rachel ʼi tana mavae ʼi Selusalemi? (Mat. 10:34-37; Mko. 10:29, 30) (6) He koʼe ko Ethan neʼe ko he faʼifaʼitakiʼaga lelei ʼo te tui pea mo te falala kia Sehova? (7) Kotea ia te ʼu ʼahiʼahi neʼe felaveʼi mo te kau Kilisitiano ʼi Pela? (8) Neʼe vaivai feafeaʼi ia te tui ʼa Naham mo Abital? (9) Neʼe tokaga feafeaʼi ia Sehova ki te kau Kilisitiano ʼi tanatou ʼi Pela? (Mat. 6:33; 1 Tim. 6:6-8) (10) ʼE feafeaʼi hatatou faʼifaʼitakiʼi ia Apalahamo mo Sala ʼi te ʼu temi fakaʼosi ʼaeni? (Hep. 11:8-10) (11) He koʼe neʼe toe fia liliu ia Naham mo Abital ki Selusalemi? Pea he koʼe neʼe mole lelei tanā faʼahiga manatu? (Luka 21:21) (12) Neʼe feafeaʼi ia te maʼuli ʼi Selusalemi ʼi te temi ʼae neʼe toe liliu ai ia Naham mo Abital? (13) He koʼe ʼe tonu ke tou fakamalohiʼi tatatou tui ʼi muʼa ʼo te hoko mai ʼo te fakaʼosi ʼo te malama ʼaeni?—Luka 17:31, 32; 21:34-36.

Koʼeni ia te fakaʼuhiga ʼo te haʼele ʼaki te tui: (1) Tou falala ki te takitaki ʼa Sehova, (2) tou tuku ia Sehova ke ina takitaki tatou pea (3) tou fakaha ʼe maʼuhiga age kia tatou ia te ʼu meʼa fakalaumalie ʼi te ʼu koloa. ʼOfa pe ke tou haʼele ʼaki te tui pea mo tou falala “e puli te malamanei, mo ona holi foki; kae e nofo o heegata ae e ina fai te finegalo o te Atua.”—1 Soa. 2:17.