Tou Akoʼi Natou Ke Natou Haga Tauhi Kia Sehova

Ko te ʼu kaugā fagona foʼou ʼae neʼe akoakoʼi ʼi te kamata ke natou faʼafai mo faifakamafola tuʼumaʼu ʼe liliu anai ko he kau faifakamafola faiva. (Taa 22:6; Flp 3:16) Koʼeni te ʼu tokoni ke feala ai ki he ako ke tuputupu malohi ʼi te minisitelio:

• Ka kua feala ki he tahi ʼe ako ke alu ʼo faifakamafola, kamata akoako ia ia. (km 8/15 p. 1) Fakamahino age te maʼuhiga ʼo te faifakamafola ke liliu ko hana agamahani ʼi te vahaʼa fuli. (Flp 1:10) ʼAua naʼa ke fai he ʼu palalau ʼe kovi ʼo ʼuhiga mo te telituale ʼae ʼe gaueʼi. (Flp 4:8) Fakalotomalohiʼi ia ia ke gaue fakatahi mo te tehina ʼae ʼe tokaga ki te kiʼi kutuga pea mo ʼihi kau faifakamafola, ke ina maʼu mai ia natou he ʼu ako.—Taa 1:5; km 10/12 p. 6 pal. 3

  

• Hili tona papitema, haga fakalotomalohiʼi ia ia pea mo akoʼi ʼi te minisitelio. Tafito la moka neʼe heʼeki ʼosi tana ako ʼi te tohi “Te ʼOfa ʼo Te ʼAtua”.—km 12/13 p. 7

  

• Ka kotou faifakamafola mo he kaugā fagona foʼou, fakaʼaogaʼi he ʼu ʼuluaki palalau ʼe faigafua. Fakamalo fakamalotoloto age ki ai hili tana ʼu ʼuluaki palalau. Foaki age he ʼu tokoni ke liliu ai ʼo faiva ʼi te faifakamafola.—km 5/10 p. 7