ʼE Feafeaʼi He Fakamalohiʼi e He Taumatuʼa Tanā Nofo ʼOhoana?

Ko Apalahamo mo Sala neʼe ko he ʼu faʼifaʼitakiʼaga lelei ʼuhi ko tonā maʼuli fakataumatuʼa. Neʼe nā feʼofaʼofani mo fefakaʼapaʼapaʼaki. (Sen 12:11-13; 1Pe 3:6) Kae neʼe mole haohaoa tanā nonofo ʼohoana, he neʼe nā toe tau mo ni faigataʼaʼia. Kotea te ʼu ako ki te ʼu taumatuʼa mai ia Apalahamo mo Sala?

Kolua fefelogoiʼaki. Moka ʼe ita atu tou ʼohoana, tali ʼaki ni palalau agavaivai. (Sen 16:5, 6) Fakatuʼutuʼu hokolua temi fakatahi. Fefakahaʼaki ʼe kolua feʼofaʼaki mole ʼaki pe ni palalau. Kae, ko te maʼuhiga ko takolua felogoi ʼae mo Sehova, ʼaki te ako mo te faikole pea mo te tauhi fakatahi. (Ekl 4:12) Ko te ʼu ʼohoana ʼae tologa ʼe ina fakakololiaʼi ia Sehova, te Matapuna ʼo te fakatuʼutuʼu taputapu ʼaia.

VAKAʼI TE ʼATA VITEO TOU FAKAMALOHI TE NOFO ʼOHOANA, PEA MO TALI KI TE ʼU FEHUʼI ʼAENI:

• ʼE ha feafeaʼi te mole kei felogoi tahi ʼa Shaan pea mo Kiara?

• He koʼe ʼe maʼuhiga ʼaupito te ʼu felogoi fefakahagatonuʼaki ʼi te nofo ʼohoana?

• Neʼe tokoni feafeaʼi ia te faʼifaʼitaki ʼa Apalahamo mo Sala kia Shaan pea mo Kiara?

• Neʼe kotea ʼae neʼe nā fai ke fakamalohiʼi ai tanā feʼofaʼaki?

• He koʼe ʼe mole tonu ki he taumatuʼa ke nā fakaʼamu ʼe haohaoa anai tana nofo ʼohoana?