FEHUʼI 18
ʼE tou lava fakaovi feafeaʼi ki te ʼAtua?
“Ia koe ʼae ʼe fagono ki te faikole, ʼe ʼomai anai ni hahaʼi kehekehe kia te koe.”
“Falala kia Sehova ʼi tou loto katoa, kae ʼaua naʼa ke falala ki tou ʼatamai. Tokagaʼi ia ia ia meʼa fuli ʼae ʼe ke fakahoko, pea ʼe ina fakatotonu anai ʼou ala.”
“Koʼeni te fakaʼuhiga ʼo te maʼuli heʼe gata, ke natou ako ke natou iloʼi ia koe, te ʼAtua moʼoni pe ʼe tahi pea mo ia ʼae neʼe ke fekauʼi mai, ia Sesu Kilisito.”
“ ʼE mahino ia ʼe mole mamaʼo [te ʼAtua] ia tatou takitokotahi.”
“Koʼeni te meʼa ʼae ʼe au haga kole, ke haga tuputupu tokotou ʼofa ʼaki te ʼatamai malama totonu pea mo te fakasiosio tonu katoa.”
“Kapau ʼe ʼi ai he tahi ia koutou ʼe ʼaoga ki ai te poto, ke ina haga kole ki te ʼAtua, pea ʼe foaki age anai ki ai, koteʼuhi ʼe foaki lahi e te ʼAtua ki te hahaʼi fuli ʼaki tona loto katoa pea ʼe mole ina fai he valoki.”
“Kotou fakaovi ki te ʼAtua, pea ʼe fakaovi atu anai kia koutou. Kotou fakamaʼa ʼokotou nima, kau agahala, pea mo ʼokotou loto, hahaʼi lotolotolua.”
“Ko te fakaʼuhiga ʼaeni ʼo te ʼofa ki te ʼAtua: Ke tou mulimuli ki ʼana fakatotonu pea ko ʼana fakatotonu ʼe mole faigataʼa fau.”