KAPITE 34
ʼE Tou Fakaha Feafeaʼi ʼe Tou ʼOfa Ia Sehova?
Kua ke fakaovi lahi age koa ki te ʼAtua talu te fai ʼo tau ako? ʼE ke fia fakamalohiʼi tuʼumaʼu koa ʼau felogoi mo ia? Koia manatuʼi, ka sio Sehova ʼe ke ʼofa mamahi ia te ia, pea ʼe toe lahi age anai tona ʼofa pea mo tana tokaga kia koe. ʼE feafeaʼi hau fakaha kia te ia ʼe ke ʼofa ai?
1. ʼE feafeaʼi hau fakaha kia Sehova ʼe ke ʼofa ai?
ʼAki pe tau fakalogo kia te ia. (Lau ia 1 Soane 5:3.) ʼE mole fakakinauʼi e Sehova he tahi ke fakalogo kia te ia. ʼE ina tuku ke tou tahi filifili pe ʼe tou fakalogo age peʼe kailoa. Koia, kapau ʼe ke fia fakafiafiaʼi tona loto, ʼe tonu ke ke ‘fakalogo mo he lotolelei.’ (Loma 6:17) ʼE mole loto e Sehova ke ke fakalogo kia te ia he ʼe ko tou maʼua kae ʼuhi he ʼe ke ʼofa ai. ʼE tokoni atu anai te koga 3 mo 4 ʼo te tohi ʼaeni ke ke fakaha kia Sehova ʼe ke ʼofa ai. ʼO feafeaʼi? ʼAki tau fai te meʼa ʼae ʼe fiafia ai tona loto pea mo liʼaki te meʼa ʼae ʼe fehiʼa ki ai.
2. He koʼe ʼe faigataʼa ʼi ʼihi temi?
“ʼE lahi te ʼu ʼahiʼahi ʼae ʼe tau mo te tagata faitotonu.” (Pesalemo 34:19) ʼE tou tauʼi fuli totatou ʼuhiga agahala. Pea ʼe tou toe tau mo ni fihifihia fakaekonomika, mo ni aga heʼe faitotonu peʼe ko ʼihi atu fihifihia. Koia, ʼe lagi mole faigafua ai hatatou fai te meʼa ʼae ʼe kole mai e Sehova pea mo fakalogo kia te ia. Kae kapau ʼe ke fakalogo kia Sehova, ʼe ke fakaha ai kia te ia ʼe ke ʼofa ai. Pea ʼe ke fia nofo agatonu kia te ia. Koia, ʼe agatonu anai ia Sehova kia koe pea ʼe mole ina liʼaki anai koe ʼi he temi.—Lau ia Pesalemo 4:3.
TA FAKALOLOTO
Ta vakaʼi pe koʼe ʼe maʼuhiga kia Sehova tatatou fakologo pea mo te aluʼaga ʼae ʼe tokoni mai ke tou nofo agatonu kia te ia.
3. He fehuʼi maʼuhiga ʼe ke kau ai
ʼE fakaha mai ʼi te tohi ʼo Sopo neʼe mole tukugakoviʼi pe e Satana ia Sopo. Kae ʼe toe kau ai mo natou fuli ʼae ʼe fia tauhi kia Sehova. Lau ia Sopo 1:1, 6–2:10 pea fai te ʼu fehuʼi ʼaeni:
Kotea neʼe ui e Satana ʼo ʼuhiga mo te fakalogo ʼa Sopo kia Sehova?—Vakaʼi ia Sopo 1:9-11.
Kotea te tukugakovi neʼe fai e Satana ki te hahaʼi fuli, ʼo kau ai mo koe?—Vakaʼi ia Sopo 2:4.
Lau ia Sopo 27:5, lua koga pea fai te fehuʼi ʼaeni:
Neʼe fakaha feafeaʼi e Sopo neʼe ʼofa moʼoni ia Sehova?
Neʼe fakaha e Sopo tona ʼofa ia Sehova ʼaki tana nofo agatonu kia te ia
ʼE tou fakaha anai ʼe tou ʼofa ia Sehova ʼaki tatatou nofo agatonu kia te ia
4. Fakafiafiaʼi te loto ʼo Sehova
Lau ia Taʼaga Lea 27:11 pea fai te ʼu fehuʼi ʼaeni:
Kotea ʼe logoʼi e Sehova moka ke maʼu te fakasiosio poto pea mo fakalogo kia te ia? Kotea tona tupuʼaga?
5. Ke ke nofo agatonu kia Sehova
ʼE tou ʼofa ia Sehova koia ʼae ʼe ina uga ai tatou ke tou palalau ki ʼihi ʼo ʼuhiga mo ia. Pea ka tou fia nofo agatonu kia te ia, ʼe tou toe fai feia anai tatau aipe pe faigataʼa. Vakaʼi te ʼATA VITEO pea fai te ʼu fehuʼi ʼae ʼe hoa mai.
ʼE faigataʼa koa kia koe ʼi ʼihi temi tau palalau kia Sehova ki ʼihi?
Kotea neʼe tokoni kia Grayson ke ina tauʼi tona mataku?
ʼE faigafua hatatou nofo agatonu kia Sehova mo kapau ʼe tou leleiʼia te meʼa ʼae ʼe ina leleiʼia pea mo fehiʼa ki te meʼa ʼae ʼe fehiʼa ki ai. Lau ia Pesalemo 97:10 pea fai te ʼu fehuʼi ʼaeni:
Kotea la te ʼu meʼa ʼae ʼe leleiʼia e Sehova? Kotea la te ʼu meʼa ʼae ʼe fehiʼa ki ai?
Kotea ʼe feala ke ke fai ke ke leleiʼia te meʼa ʼae ʼe lelei mo fehiʼa ki te meʼa ʼae ʼe kovi?
6. ʼE fua lelei kia koe moka ke fakalogo kia Sehova
Ka kita fakalogo kia Sehova, ʼe ko he tonu lelei ʼaia ʼe kita fai. Lau ia Esaia 48:17, 18 pea fai te ʼu fehuʼi ʼaeni:
ʼE iloʼi tuʼumaʼu koa e Sehova te meʼa ʼae ʼe lelei kia tatou? Kotea tona tupuʼaga?
Kotea te ʼu lelei neʼe ke maʼu talu tau ako te Tohi-Tapu pea mo tau iloʼi ia te ʼAtua moʼoni ko Sehova?
ʼE UI E ʼIHI: “ ʼE mole tokagaʼi e te ʼAtua te meʼa ʼe au fai.”
Ko te vaega fea ʼe feala tau fakaʼaogaʼi moʼo fakaha ʼe feala ke fiafia peʼe mamahi ia Sehova ʼi te ʼu meʼa ʼe tou fai?
MANATU TAFITO
ʼE feala ke ke fakaha ʼe ke ʼofa ia Sehova ʼaki tau fakalogo mo nofo agatonu kia te ia logo la te ʼu fihifihia.
Fehuʼi Fakamanatu
Kotea neʼe ke ako ʼo ʼuhiga mo te faʼifaʼitaki ʼa Sopo?
ʼE ke fakaha feafeaʼi ʼe ke ʼofa ia Sehova?
Kotea ʼae ʼe tokoni atu ke ke nofo agatonu kia Sehova?
TE TAHI ʼU MANATU
ʼE feafeaʼi haku nofo agatonu kia Sehova mo te kokelekasio?
He tahi ʼu manatu ʼo ʼuhiga mo te ʼu tukugakovi ʼe fai e Satana ki te tagata.
“L’intégrité de Job” (La Bible : quel est son message ? partie 6)
ʼE toe lava fakaha feafeaʼi e te ʼu fanau ʼe natou ʼoʼofa ia Sehova?
ʼE lava nofo agatonu feafeaʼi he tupulaga ki te ʼAtua logo la tona fakaneke e ʼihi?