Kotea Te Manatu ʼa Te Tohi-Tapu Ki Te ʼu Felaveʼi Fakasino?

Tokolahi ʼe natou ufiufi ʼi te palalau ki te ʼu felaveʼi fakasino. Kae ʼe talanoa fakahagatonu te Tohi-Tapu ki te faʼahi ʼaia ʼaki he fakaʼapaʼapa. Pea ko te ʼu manatu ʼae ʼe ui ʼi ai ʼe fua lelei kia tatou. ʼE tou iloʼi ko Sehova ʼe ko totatou Tupuʼaga. Koia, ʼe ina iloʼi te meʼa ʼae ʼe lelei kia tatou. ʼE ina fakaha mai pe kotea ʼe tonu ke tou fai moʼo fakafiafiaʼi tona loto pea ke tou maʼu ai te maʼuli heʼe gata.

1. Kotea te manatu ʼa Sehova ki te ʼu felaveʼi fakasino?

Ko te ʼu felaveʼi fakasino ʼe ko he meʼa ʼofa ia mai ia Sehova. ʼE ina loto ke fiafia te tagata mo te fafine ʼohoana moka nā fai he ʼu felaveʼi fakasino. Pea ʼe feala ke nā maʼu ai hana ʼu fanau. Kae mole gata ai, ʼe feala ke nā fefakahaʼaki ai tonā ʼofa pea mo tanā fetokagaʼaki. Koia, ʼe ui fenei ai ʼi te Tohi-Tapu: “Ke ke fiafia mo te fafine ʼo tou temi tupulaga.” (Taʼaga Lea 5:18, 19) Koia, ʼe loto e Sehova ke feagatonuʼaki te tagata mo te fafine ʼohoana pea ke ʼaua naʼa nā tono.—Lau ia Hepeleo 13:4.

2. Kotea te ʼu aga heʼe ʼaoga ʼe mole tali e te ʼAtua?

ʼE ui ʼi te Tohi-Tapu “ko te hahaʼi ʼae ʼe natou fai he ʼu felaveʼi fakasino heʼe ʼaoga, . . . ʼe mole natou maʼu anai ia te Puleʼaga ʼo te ʼAtua.” (1 Kolonito 6:9, 10) Ko te kupusiga palalau “fai he ʼu felaveʼi fakasino heʼe ʼaoga” neʼe fakaliliu mai te kupu Fakakeleka pornéïa. ʼE fakaʼuhiga te kupu ʼaia (1) ki te ʼu felaveʼi fakasinoa ʼa he ʼu hahaʼi kae heʼeki ʼohoana, (2) ki te faitagata mo te faifafine pea (3) ki te ʼu felave’i fakasino mo he manu. Koia, kapau ʼe tou “fakamamaʼo mai te ʼu felaveʼi fakasino heʼe ʼaoga,” ʼe fua lelei pe anai kia tatou pea ʼe tou fakafiafiaʼi ai te loto ʼo Sehova.—1 Tesalonika 4:3.

TA FAKALOLOTO

3. Hola mai te ʼu felaveʼi fakasino heʼe ʼaoga

Neʼe nofo agatonu ia Sosefo kia Sehova. Neʼe fakafisi ki he fafine neʼe fia momoe mo ia. Lau ia Senesi 39:1-12, pea fai te ʼu fehuʼi ʼaeni:

• He koʼe neʼe hola ia Sosefo?—Vakaʼi te vaega 9.

• ʼI tau manatu la, neʼe ko he tonu lelei koa ʼae neʼe fai e Sosefo? Kotea tona tupuʼaga?

ʼATA VITEO: Hola Mai Te ʼu Aga Heʼe ʼAoga (5:06)

ʼE loto e Sehova ke liʼaki e ʼana kaugana fuli te ʼu aga heʼe ʼaoga. Lau ia 1 Kolonito 6:18, pea fai te ʼu fehuʼi ʼaeni:

• Kotea te ʼu aluʼaga ʼae ʼe tupu ai te fai e he tahi he ʼu felaveʼi fakasino heʼe ʼaoga?

• ʼE feafeaʼi hau hola mai te ʼu felaveʼi fakasino heʼe ʼaoga?

4. ʼE feala hau tekeʼi te fakahala

ʼATA VITEO: Tekeʼi Te Fakahala ʼAki Te Lau ʼo Te Tohi-Tapu (3:02)

• Kotea ʼae neʼe fai e te tehina ʼi tana tokagaʼi ʼae ʼe feala ke mole agatonu ki tona hoa ʼuhi ko tana aga?

ʼI ʼihi temi, ʼe tonu ki he tahi ʼe tauhi agatonu ki te ʼAtua ke ina tekeʼi he ʼu manatu ʼe heʼe maʼa. Kotea ʼe tonu ke tou fai ke ʼaua naʼa tou maʼu ia he manatu heʼe ʼaoga? Lau ia Filipe 4:8, pea fai te ʼu fehuʼi ʼaeni:

• Kotea te ʼu aluʼaga ʼae ʼe tonu ke tou fafaga ʼaki totatou ʼatamai?

• He koʼe ʼe ui ka tou lau te Tohi-Tapu mo maʼumaʼua ʼi te tauhi kia Sehova ʼe tokoni mai ke tou tekeʼi te ʼu fakahala?

5. ʼE fua lelei kia tatou te ʼu lao ʼa Sehova

ʼATA VITEO: Tou Aga Fakapotopoto (9:31)

• He koʼe neʼe tupu te fakahalaʼi ʼo te tupulaga?—Vakaʼi ia Taʼaga Lea 7:8, 9.

• Ka tou lau ia Taʼaga Lea 7:23, 26, ʼe tou tokagaʼi ka tou fai he aga heʼe ʼaoga pea ʼe ʼi ai ʼona fua kovi. Kapau ʼe tou maʼa ʼi te aga ʼae ʼe tonu ke fai, kotea te ʼu aluʼaga ʼe feala ke tou hao mai ai?

• Kotea te pikipikiga ʼo te maʼa ʼi te aga ʼe tonu ke fai mo te ʼamanaki ʼae ke tou maʼuli ʼo heʼe gata?

ʼE manatu ʼihi ʼe mole fakapotopoto te manatu ʼae ʼe ui ʼi te Tohi-Tapu ʼo ʼuhiga mo te faitagata mo te faifafine. ʼE mole ko he fakaha ʼaia ʼo te ʼofa. Kae ko Sehova ʼe ko te ʼAtua ʼofa pea ʼe ina loto ke maʼu e te hahaʼi te maʼuli heʼe gata. Koia, ʼe tonu ke tou fakalogo ki ʼana lao. Lau ia 1 Kolonito 6:9-11, pea fai te fehuʼi ʼaeni:

• ʼE ko te faitagata mo faifafine pe koa ʼae ʼe mole tali e te ʼAtua?

Kapau ʼe tou loto ke fiafia ia te ʼAtua, ʼe tonu ke tou fai fuli he ʼu fetogi. Kae ʼe maʼuhiga koa? Lau ia Pesalemo 19:8, 11, pea fai te ʼu fehuʼi ʼaeni:

• ʼI tau manatu la, ʼe fakapotopoto koa te ʼu lao ʼa Sehova ʼo ʼuhiga mo te aga ʼae ʼe tonu ke fai? He koʼe ʼe ke ui te faʼahi ʼaia?

MANATU TAFITO

Ko te ʼu felaveʼi fakasino ʼe ko he meʼa ʼofa ʼa Sehova ki te tagata mo te fafine ʼohoana.

Fehuʼi Fakamanatu

• Ko te ʼu felaveʼi fakasino fea ʼae ʼe kau ki te ʼu aga heʼe ʼaoga?

• Kotea ʼe tokoni mai ke tou liʼaki te ʼu felaveʼi fakasino heʼe ʼaoga?

• Kotea te ʼu fua lelei ʼe tou maʼu moka tou fakalogo ki te ʼu lao ʼa Sehova ʼo ʼuhiga mo te aga ʼae ʼe tonu ke fai?

TE TAHI ʼU MANATU

Vakaʼi pe koʼe ʼe loto e te ʼAtua ke ʼohoana te tagata mo te fafine.

“Kotea ʼe Ui ʼi Te Tohi-Tapu ʼo ʼUhiga Mo He Foʼi Toko Lua ʼe Nonofo Kae Heʼeki ʼOhoana?” (Alatike ʼi te jw.org)

Vakaʼi pe koʼe ko te manatu ʼa te Tohi-Tapu ki te faitagata mo faifafine ʼe mole ina fakalotomalohiʼi tatou ke tou fehihiʼa kia natou ʼaia.

“ʼE Kovi Koa Te Faitagata Mo Faifafine?” (Alatike ʼi te jw.org)

He koʼe ʼe ko he puipuiʼaga ia te ʼu lao ʼa te ʼAtua ʼo ʼuhiga mo te ʼu felaveʼi fakasino?

“Ko Te ʼu Felaveʼi Fakasino ʼAki Te Gutu ʼe Ko He ʼu Felaveʼi Fakasino Moʼoni Koa?” (Alatike ʼi te jw.org)

Vakaʼi te biographie “Ils ont respecté ma dignité” pe kotea ʼae neʼe ina uga he tahi ʼe faitagata ke ina fai he ʼu fetogi ʼi tona maʼuli.

“La Bible transforme des vies” (Ko Te Tule Leʼo [Fakafalani] ʼaho 1 ʼo Apelili 2011)