O Kwila o Jimbangi ja Jihova Ene Mufidisa Jifilimi, Mimbu Mba Madivulu?
Kana. Etu kitwene mu tonginina se jifilime jebhi, mimbu mba madivulu o athu atokala ku jitala mba kwatanga. Mukonda dyahi?
O Bibidya iswinisa kala muthu mudyetu kulonga o “kilunji” kyê phala kwijiya kutungula o ima yawabha mu ima yayibha.—Jihebelewu 5:14.
Mu Bibidya mwala itendelesu itena kukwatekesa o Kidistá kumona se kitonokenu kyebhi kyandasola.a Ku ima yoso ku mwenyu wetu, twamesena kusota “kwijiya o ima isangulukisa Ngana.”—Efezu 5:10.
Kuma o Bibidya ilonga kwila o atwameni a miji ala ni ungana ku miji yâ, ene atena kusola se jifilimi, mimbu mba madivulu ebhi atokala kutala mba kutanga o miji yâ. (1 Kolindu 11:3; Efezu 6:1-4) Katuku o atwameni a miji, séku muthu utena kusola bhu kididi kya akwâ se filimi yebhi, mimbu mba madivulu atokala kutanga mba kutala o Jimbangi ja Jihova.—Ngalásya 6:5.
a Mu kifika, o Bibidya ifidisa itonokenu yoso iswinisa o wanga, o undumbu mba usweya.—Matendelelu 18:10-13; Efezu 5:3; Kolose 3:8.