2 Reis
11 Tawamhã Naamã tsiti ꞌru tsina te mo, morĩ ré ma tô tinha: “Wa ĩ̱tsina tinha: ‘Õ hã te dza wei watobro robꞌu, ĩ̱nhowa duré te dza ꞌmahö Jeová nhitsi dzô ĩte Ropotoꞌwa, ĩtsibꞌrada te te rétsi tsina ĩꞌwaꞌre nhitsiwi tséptöꞌö da.’ 12 E panhoꞌõmo Damasco ãma, Abana duré Farpar na ĩtsitsi dzahuré uburé panhoꞌõmo Israel ãma nhipai u ĩwẽ hã. E ĩ̱tsiꞌuptsõ waihuꞌu petse di ĩ̱dzéptöꞌö da.” Tawamhã ĩ̱dza da tsitiꞌru petse na ma tô aipiꞌra duré ma tô oto mo.” 13 Tãma romhuriꞌwa norĩ ma tô ĩtẽme tsina rotété dzaꞌra, duré te tãma nharĩ dzaꞌra ãne: “Ĩ̱mama, roꞌmahöröꞌwa te te nharĩ ꞌwaꞌöhã marĩ pire na ꞌmanharĩ da, e ꞌmanharĩ õ di aré. Taha nhipai u ãne tsi te te nharĩ wamhã: ‘Atsiꞌuptsõ na atséptöꞌö da.’” 14 Tawamhã õ hã ma tô mo duré ma tô ãdzé 7 na ö ꞌre Jordão ãma hã, aibö Ropotoꞌwa ĩꞌuptabi te mreme dzarina hã. Tawamhã ĩ̱nhi ma tô petse ni, ma tô tsiꞌmanha ꞌwatébrémi hö ne hã, ãne ma tô tihöiba wẽ petse oto.