Isaías
7 E ꞌwa ĩ̱tsine te ꞌre höimana. Mreme ꞌrãihö na te te nharĩ duré marĩ dzarina te te ĩ̱ma höiꞌré ĩbö na hã! Te te rowatsuꞌu ĩromhöimana mono da hã Duré marĩ norĩ ĩwairébé da hã Wa hã te ꞌre ĩꞌmanharĩ mono dzéb dzarina dahiꞌrada hã te ĩpotodzéb dzarina. 8 Aipẽꞌẽ wara dzaꞌra waꞌaba tõ Duré aipahi te, ꞌrétsi ãna aihöimana dzaꞌra waꞌaba tõ. E te aima watsuꞌu dzaꞌra waꞌaba õ di ĩwana. A norĩ waꞌwa hã ĩ̱watsuꞌuꞌwa norĩ hã. E Ropotoꞌwa ĩ̱nhipai u te ꞌre höimana. Mare di, niꞌwa Ẽtẽ tõmo wawẽ tete ne ꞌmaihöimana õ di. Ĩ̱ma maiwaihuꞌu õ di.’” 9 Aihĩni romhöiba ꞌmanharĩꞌwa norĩ hã marĩ õ di, Duré marĩ ꞌmanharĩ tãma ĩtsawi petse dzaꞌra hã marĩ dai õ di. Ĩwatsuꞌuꞌwa na, marĩ te te ꞌmadöꞌö waihuꞌu dzaꞌra õ di duré marĩ tãma waihuꞌu dzaꞌra õ di. Taha wa, ĩꞌmanharĩꞌwa norĩ hã te dza atséb dzaꞌra. 27 Õhõ te te ĩnharĩ hã ö ꞌrehö ma: ‘Atsinhidzé na! Wa dza aꞌré ĩte panhoꞌõmo norĩ hã’; 28 Õhõ te te ĩnharĩ hã Ciro ãma: ‘Õ hã, ĩ̱te poneꞌẽrebö ꞌmadöꞌöꞌwa duré te dza ãma uwaimra uburé te te ĩ̱tsima ĩwẽdzé hã’; Õhõ te te ĩnharĩ hã Jerusalém ãma: ‘Te dza apö datsiwi ꞌri ni’, duré ãma dawatadzém ãma hã: ‘ꞌRi ꞌuparidzé hã te dza datsiwi hiri ni.’”