Jó
5 Wa tô taré waihuꞌu aiꞌãma. Tadzahã, awaꞌawi hã, ĩ̱tõmo na wa aiꞌmadö. 7 Jeová ꞌre mreme pari ã norĩ na Jó ma, Jeová te tãma tinha Elifaz ma, Temã norĩ nhihudu ma: “Wa atsada ĩ̱nhitiꞌru petse, duré atsiwaihuꞌu dzahuré dzada, tô tsena hã aimreme dzaꞌra waꞌaba õ wa ĩ̱ꞌãma hã, ĩ̱nhibꞌaꞌuwẽ Jó mreme ne. 8 Ĩ̱te romhuriꞌwa Jó te dza ĩ̱wi aiꞌãma rowaptẽrẽ dzaꞌra. Ĩtsimirowaptẽrẽ hã te ãma waꞌrãmi tõ da atsimidzaꞌretse waꞌaba õ ne, tô tsena wa dza wapa. 10 Jó te te rowaptẽrẽ parimhã ĩtsiwaihuꞌu norĩ ãma, ĩtsépatadzé hã, Jeová ma tô uprotsi, duré ma tô tãma rowẽ wadze apö. Jeová ma tô tãma titsõ uburé ĩtsitsiwi na danhipai u tãma höimana wana ré. 17 Tawamhã, rowẽ na ꞌre höimana mono parimhã, duré bötö ahö pariptsi ma tô dörö.