Eclesiastes
2 Uburé aiwaptsi robꞌrãtsudu hã: ĩhöimana wẽ duré ĩhöimana watsédé hã, ĩwẽ hã duré ĩpe hã duré ĩpetse õ hã, ꞌre ĩtsõpru norĩ duré ꞌre ĩtsõpru dzaꞌra õ norĩ. Ĩwẽ hã ꞌre ĩwatsété norĩ ne hã; ꞌre tsina ropitsutu dzaꞌra norĩ hã da te ĩrotsaꞌrata mono ne tsina ropitsutu õ re hã. 5 E marĩ wa. Ĩhöibaré norĩ ma waihuꞌu petse di dza ĩdöꞌö dzaꞌra da na hã, tadzahã, adöꞌö norĩ ma hã, marĩ tãma waihuꞌu uptabi dzaꞌra õ di, duré ĩpawaꞌöbö dzaꞌra dzé höimana õ di oto, uburé ãma ĩdatsitsaꞌrata dzaꞌra mono dzé hã dawi roptsimani wa oto. 10 Uburé ĩꞌmanharĩ da hã, ꞌmanharĩ na aihöimana ré. E marĩ wa, romhuri õ di, danhimirotsaꞌrata õ di, duré rowaihuꞌu õ di duré danhimidzaꞌretse õ di dza daꞌru u hã, ro hã ĩꞌaimorĩ da hã. 11 Wa tô duré roꞌmadö marĩ aimawi hã bötö ꞌrowimhã: Ĩwaptu norĩ hã dawara na õnẽ uꞌö ꞌre tsiꞌuté dzaꞌra õ di dza, ĩtsiptete norĩ õne uꞌö ꞌre tsiꞌuté dzaꞌra õ di dza; ĩtsimidzaꞌretse norĩ ĩtsa hã õne uꞌö tãma höimana dzaꞌra õ di dza; rowaihuꞌu petseꞌwa norĩ õne uꞌö marĩ hã tãma höimana dzaꞌra õ di dza; rowaihu tãma ĩhöimana norĩ ma õne uꞌö marĩ tãma ꞌre wairébé õ di dza; danhi bödö duré tsô ĩtsaꞌrata õ hã uburé ma ꞌre wairébé wa.