Isaías
3 Te te ꞌre aiꞌumnhatsi dzaꞌra mono norĩ hã te dza īwawib dzaꞌra ꞌre tsimapa. Romharé u’ötsi na te dza tãma ꞌre anhoprub dzaꞌra. Te te ꞌre aiꞌumnhatsi dzaꞌra mono wa. 4 ꞋRe umnhatsi uꞌötsi dzaꞌra waꞌaba mono Jeová, Jah Jeová ẽtẽ tõmo wawẽ tsiꞌutõrĩ waihuꞌu õ hã. 19 Aiwi dzaꞌra waꞌaba ĩdöꞌö norĩ hã te dza ꞌre höimana dzaꞌra. Ĩ̱nhibꞌaꞌuwẽ norĩ höiba dzaꞌra te dza apö wahutu dzaꞌra. A norĩ waꞌwa hã, ĩꞌaihöimana dzaꞌra waꞌaba na hã tiꞌa dzaprum na, atopoꞌo dzaꞌra waꞌaba duré robdze na atsadari dzaꞌra waꞌaba. Ate atébré, atébré awẽ te ne hã, duré tiꞌa te dza tsaꞌré dzaꞌra, adöꞌö waihuꞌuꞌõ norĩ apö höimana dzaꞌra da. 20 ꞌRi ꞌre waꞌõtõ u aimorĩ duré atsitsaꞌu tsito na ꞌridawa norĩ. Aꞌö dawi aimaꞌuri, danhitiꞌru watobrodzéb u.