Isaías

9 Danhiptiꞌai mono bö te dza te dza tatsiꞌrãꞌõtõ ni, Te dza daꞌubumro dzaꞌra ni. E ꞌwa õ norĩ ãma hã te te watsuꞌu waihuꞌu petse di ãhã. E ꞌwa te te wama höiꞌré waihuꞌu petse di awaꞌawi dza ĩwairébédzé hã. Õ hã te te ꞌmahörö tiwatsuꞌuꞌwa norĩ hã te te höiꞌré dzaꞌra da ĩbö na hã, Te te wapari dzaꞌra da duré te te nharĩ dzaꞌra da: ‘Tahã tô tsena’”. 10 “A norĩ waꞌwa hã ĩ̱watsuꞌuꞌwa norĩ”, ãne Jeová te tinha, “Ĩhe, ĩ̱nhibꞌaꞌuwẽ te ĩpitsudu hã, Ĩ̱waihuꞌu dzaꞌra waꞌaba da duré ĩ̱dzadze dzaꞌra waꞌaba da, Duré waihuꞌu dzaꞌra waꞌaba da wa hã tô õne uꞌö. Ĩ̱wana Ropotoꞌwa da te ꞌmanharĩ õ di Duré ĩ̱dzaꞌu dzahadu ꞌre ꞌmaihöimana mono õ di.” 11 Wa hã Jeová, ĩ̱nhipai u danhoꞌreptuiꞌwa höimana õ di.” 12 “Wa tô dama te ꞌre roꞌmahörö, wa te ꞌre daꞌanhoꞌreptu, duré wa te ꞌre daꞌapoꞌre puꞌu tahã Date ropotoꞌwa tiꞌa ĩhöiba amoi hawi aiwadzari dzaꞌra waꞌaba höimana dzaꞌra õ ré. Tawamhã, a norĩ waꞌwa hã ĩ̱watsuꞌuꞌwa norĩ”, ãne Jeová te tinha, “duré wa hã ate Ropotoꞌwa.