Isaías
10 Aipahi tõ, atsiré wa ꞌre ĩ̱höimana. Aihötöꞌö tõ, wa hã ate Ropotoꞌwai wa. Wa dza atsiptete, ĩhe, wa dza aipawapto. Wa dza tô aipa tété ĩ̱nhibꞌrata nhimire na ĩbö na.’ 11 Maꞌãpé waihuꞌu! Aihĩni atsada ĩtsibꞌrui petse dzaꞌra norĩ hã te dza tiwi tirowadzéb dzaꞌra duré te dza ãma tsitsém hiri dzaꞌra. Te te ĩꞌaiꞌwapé dzaꞌra norĩ hã te dza uprotsi petse dzaꞌra ni duré te dza aiꞌutõrĩ petse. 12 Te dza tsô airĩ te te ĩꞌaiꞌwapé dzaꞌra norĩ dzô tadzahã tsõpẽtẽ dzaꞌra õ di dza. Te te ĩꞌaiꞌwapé dzaꞌra norĩ hã höimana dzaꞌra õ di dza oto, tsiprum haré te dza ꞌre höimana dzaꞌra. 13 E marĩ wa. Wa hã Jeová, ate Ropotoꞌwa. Wa aipa tété, atsibꞌrata nhimire na; Wa hã te ĩnharĩ hã: ‘Aipahi tõ. Wa dza aipawapto.’