ꞌRe aihâimana u ꞌâsi mono robze sina tiꞌai ꞌãma
Ãhã isõrézé hã ma tô ꞌmanhari ni date ãma dapawaptobda date waihuꞌu da tiꞌai ꞌmanhari ꞌwa hã uburé mari wa ihâimana za ꞌra hã. Te za iwaihu ꞌRe ihâimana u ꞌâsi mono hã te te i ꞌmanhari hã, ti ꞌa hã, isisi ré hã. Waza ꞌãma rowasuꞌu za ꞌra ni duré e mari wa ma tô ꞌRe ihâimana u ꞌâsi mono hã poto aibâ hã duré e niha te za ꞌre aihâimana u ꞌâsi mo robzé sina hã tiꞌai ꞌãma hã.
Waza mapari za ꞌra ni ipoto nori hã te te aipawaptobza ꞌra ꞌaba da ꞌmadâꞌâ wẽ za ꞌra wa ꞌaba da ã nori hã. Sawi za ꞌra ꞌaba da sa ꞌẽtẽ na ã hã, sõré za ꞌra wa ꞌaba ibaihâ hã te te iwasuꞌu za ꞌra hã ipótó nori zababa mnori hã. Ãne te za asi uihâna isõré za ꞌra waꞌwa ꞌRe ihâimana u ꞌâsi mono nhimi ropisudu na te te iwasuꞌu hã ibaihã na ꞌRe ihâimana u ꞌâsi mono te te inhari hã ꞌmanhari daꞌ. Uwê za ꞌra wa ꞌaba da isimi ropisudu hã.
Ãté te za asima iwẽ duré isõré zé hã ꞌãma dapawaptob da. Ai ꞌra ré wamhã, tãma rowasuꞌu na te te pawaptob da duré te te waihuꞌu da ꞌRe ihâimana uꞌâsi mono wasuꞌu hã. Daza ꞌru hâiba amoꞌ uhã iprédum nori hã te te isõré waihuꞌu õ hã, te za sabu za ꞌra ipótó nori hã te te pawaptobza ꞌra da te te duré waihuꞌu za ꞌra da ꞌRe ihâimana uꞌâsi mono wasuꞌu hã õ nori hã, te te duré oto pawaptobza ꞌra da i ꞌrata ꞌre isi ꞌubu mrõi mono hã.
Wa za mapari za ꞌra ni sêna uptabi romnhoré nhimi rowasuꞌu hã te te ama wapu za ꞌra wa ꞌaba da aipawapto ꞌabza zé hã te za duré dama hâiꞌré za ꞌra ꞌre idahâimana u ꞌâsi za ꞌra mono zé hã robzei u ꞌâsi na tiꞌai ꞌãma hã.