E te dza ꞌre aihöimana mo Jeová ma ĩwẽ dzarina.

Wama rowẽ dzaꞌra di ã hã ĩtsõrédzé tsõré wa, wawaihuꞌu petse dzaꞌra da, wanhimidzadze duré wanhimiromhuri. Wa wanhimipari dzaꞌra ni ã hã ĩtsõrédzé te te aipawaptob dzô wawaihuꞌu da Jeová ma ĩwẽ dzarina ꞌre ĩhöimana dzaꞌra mono norĩ na hã ã hã bötö mono na hã. Ãma udzutsi Jeová na romnhoré na, atsitsãnawã duré atsiwaihuꞌu norĩ ma watsuꞌu na ꞌre ĩwaihuꞌu mono dzém na duré wame ꞌre aihöimana mono watsiꞌrãꞌõtõdzém ãma. — Hebreus 10:23-25.

Te dza atsina ĩwaihu Jeová ãma ꞌre waihuꞌu mono tsidöpötsi atsimidzawidzé hã õhõꞌãma dza ĩtsiptete mono na hã. Tawamhã te dza atsima ĩwẽ atsimidzawi dzaꞌẽtẽ dzé õhõꞌãma höiꞌré da. (1 João 4:8-10, 19) E niha te dza ĩhöiꞌré bötö tsidöpötsi aima ĩtsawi na hã. E marĩ wa aima wẽ di dza ꞌre tsadawa dzamarĩ mono wamhã ĩtsimiroti hã. E marĩ te dza aipawapto atsima wẽ da hã watsiré ꞌre aihöimana mono da Jeová ma ĩwẽ na ꞌre aimorĩ da. Aima rowahutuꞌwa Bíblia na te dza aipawapto robdze na waihuꞌu da ta hã, a hã duré ate família Höimanaꞌuꞌö nhimidzawidzém na ꞌre anomro aba mono da dahöimana uꞌötsi dzéb dzô ꞌre atsimipari dzaꞌra waꞌaba mono ré. — Judas 21.