Zeuwa hã ma wama tisõ danhoreptuiwa hã

29 Imori ꞌrata na te te ãma irosõwa da ꞌrada hã ꞌRe ihâimana u ꞌâsi mono hã sima iꞌra imori ꞌrada.

ꞌRe ihâimana u ꞌâsi mono ma sawi uptabi di, õ hã ma ma tô pisutu te te uprósi da iwasédé hã duré te te sõ reptu za ꞌra da isimipari pesê nori hã. — Zuwã 3:16, 36.

30 Zeuwa hã mawe satõ ti ꞌra hã poto da tiꞌai ꞌãma tãma ihâiba hã isisi hã Zezusi na. Ina ꞌmahârâ zé hã Maria na. — Rucasi 1:30-35.

31 Niwa Zezusi hã oto preduwa, te te ꞌre arowahutu ahâ, iwẽ na. Te rowahutu Zeuwa hasi tôsena ꞌRe ihâimana u ꞌâsi mono. — Marcusi 12:29, 30.

Zezusi hã te tinhã ꞌre wawata za ꞌra mono da Zeuwa hã ãmasi. — Mateusi 4:10; Zuwã 4:23, 24.

Te rowahutu duré aihinima Zeuwa hã ꞌre isã mrã mono zemna. — Rucasi 17:20, 21.

32 Zezusi hã ma tô apêsê, ihâzéré nori hã duré ma ꞌmanhã ahâ uptabi na mari hã iwẽ na te te ꞌmanhari ꞌõ di iwasẽtẽ na. — Atusi 10:38; 1 Pedru 2:21, 22.

Taza hã e niha wa ꞌaré ꞌre wasisõ ꞌreptu za ꞌra iwẽ ꞌõ wi hã duré dadâ ꞌâwi hã.

33 Te ꞌre sõ prubza ꞌra pone ꞌẽbâire pãri na ꞌRe ihâimana u ꞌâsi mono ma te te sõ ꞌreptu da iwẽ nori hã.

Duréi hã ꞌRe ihâimana u ꞌâsi mono hã ma tô tiꞌru date ꞌre simrõi mono da abazê nori hã dawasété nori hã. — Hebreusi 7:25, 27.