Õ norĩ hã, ma wapari dzahuré Satanás – e marĩ te tihöiba taha parimhã.

Adão duré Eva Höimanaꞌuꞌö te te wapari dzahuré õ di, taha wa ma tidöꞌö dzahuré. Gênesis 3:6, 23; 2 Coríntios 11: 3

Eva ma wahi hã wapa duré robꞌrã ma tiꞌrẽ. Taha pari, ma Adão ma titsõ tsyry na. Õhõ dzama ma tiꞌrẽ.

Marĩ te te ĩꞌmanharĩ dzahuré ĩꞌupa— ma tiwatsété dzahuré. Höimanaꞌuꞌö ma tsani dzahuré ĩtsõrõwa dzahuré hawi, Ro Ĩwẽ hawimhã.

Dahöimanadzé hã ma tãma tipire dzahuré, ĩꞌra norĩ dzahuré ma dzama. Ma tsiꞌĩhi dzahuré duré ma tidöꞌö dzahuré. Neb dzahuré õ di höiwa u hã duré nimomo dzama; höimana dzahuré õ di oto.

Adöꞌö norĩ hã tiꞌa dzaprum ne: ĩhöimanadzéb dzaꞌra baba di. 1 Coríntios 15:47, 48

E marĩ wa, wa natsi wadöꞌö dzaꞌra ni. Wa norĩ hã, Adão duré Eva nhihudu wa. Adöꞌö norĩ hã te te ꞌmadöꞌö dzaꞌra õ di, te te wapari dzaꞌra õ di duré marĩ te te ꞌmanharĩ dzaꞌra õ di. Te tinhotõ dzaꞌra datsine. — João 11:11-14.

Jeová te te tsima wẽ õ di dadöꞌö dzaꞌra da hã. Romhutu na, te dza daꞌahöiwaꞌutu ĩdadöꞌö dzaꞌra hã. Höimanaꞌuꞌö te te ꞌre wapari dzaꞌra mono wamhã, te dza ꞌre höimana uꞌötsi dzaꞌra.