ROMNHORÉ 24
E ꞌwam norĩ dawatsuꞌuꞌwa norĩ hã, duré e marĩ te ꞌmanharĩ dzaꞌra.
Jeová te tsima wẽ wa te waihuꞌu dzaꞌra da tãma ĩromhuriꞌwa norĩ ãma höiwa ãma. Ta norĩ ꞌremhã, dawatsuꞌuꞌwa norĩ te tihöimana dzaꞌra. Ropotoꞌwai mreme te ꞌmahörö dzaꞌra ‘ꞌRe ĩhöimana uꞌötsi mono ꞌra na’. (Gênesis 6:2) E marĩ Ropotoꞌwai mreme te tinha dawatsuꞌuꞌwa norĩ ãma. E marĩ te ꞌmanharĩ dzaꞌra. E aihĩni dawatsuꞌuꞌwa norĩ Ropotoꞌwai ma romhuriꞌwa te ꞌre höimana dzaꞌra.
1. E ꞌwam norĩ dawatsuꞌuꞌwa norĩ.
Jeová ma poto dawatsuꞌuꞌwa norĩ Tiꞌa hã te te poto õ ré. Ropotoꞌwa tsine, dawatsuꞌuꞌwa norĩ ĩhöiba tsãmriꞌõ dzaꞌra duré höiwa ãma te ꞌre höimana dzaꞌra. (Hebreus 1:14) Dawatsuꞌuꞌwa norĩ ahö uptabi na te ꞌre höimana dzaꞌra duré ĩhöimana dzaꞌra dzé mono bö aimawi. (Apocalipse 5:11) Õ norĩ hã ‘[Jeová] mreme te te ꞌre wapari dzaꞌra’. (Salmo 103:20) Duréihã, niwam na Jeová ma tô tsatõ dawatsuꞌuꞌwa norĩ te te dama rowatsuꞌu dzaꞌra da, tinhibꞌaꞌuwẽ te te pawaptob dzaꞌra da, duré te te tsõꞌreptu dzaꞌra da ropipa tsô watobro dzaꞌra wamhã. Ã bötö na hã, dawatsuꞌuꞌwa norĩ te tsaprõni dzaꞌra Cristo dzadawa dzamarĩꞌwa norĩ te te danhopẽtẽ dzaꞌra da, da te datsima ĩwẽ dzaꞌra hã Ropotoꞌwai ãma da te waihuꞌu dzaꞌra da.
2. E ꞌwam norĩ Satanás duré waꞌuburé norĩ.
Niꞌwa dawatsuꞌuꞌwa norĩ ma tô rẽme dzaꞌra Jeová. Dawatsuꞌuꞌwa ĩmorĩꞌrada ĩtsiwatsédé ‘Satanás wanhitobꞌru uburé tidzadawa nhipetse na te te ꞌre ĩdaꞌaꞌrãmi mono ꞌRe ĩhöimana uꞌötsi mono dzadawa para newa, tiꞌai ãma daro mono bö.’ (Apocalipse 12:9) Satanás ma tô tsima wẽ te te daꞌãma roti da. Taha wa, ma tô ꞌmanha Adão Eva me duré dawatsuꞌuꞌwa höiba amo norĩ tsiré tsimatsa dzaꞌra da Jeová dzada. Ãhã dawatsuꞌuꞌwa ĩwatsété norĩ ĩꞌmahörö dzaꞌra waꞌuburé norĩ na. Jeová ma tô tãma robꞌru dzaꞌra höiwa hawi Tiꞌai u, duré romhutu na te dza uprotsi dzaꞌra. — Tsõré na Apocalipse 12:9, 12.
3. E marĩ Satanás waꞌuburé norĩ me te ꞌmanharĩ dzaꞌra te te ꞌre daꞌaꞌrãmi dzaꞌra mono da.
Satanás duré waꞌuburé norĩ te daꞌaꞌrãmi dzaꞌra romhõtsi pipa na robꞌmanharĩdzéb uꞌöbö. Niꞌwam norĩ romhõtsi pipa te ꞌmanharĩ dzaꞌra ĩhöibaꞌõ norĩ ma te te robdzanhamri dzaꞌra da. Tahã ĩböi õ di. Ãma ĩtsimiré, niꞌwam norĩ te tsô tirĩtĩ dzaꞌra, rotsawẽrẽ dzadaihuꞌuꞌwa dzô, abdzé ꞌmanharĩꞌwa dzô, romhõtsi petse ꞌwa dzô duré ĩtsibꞌra watsété norĩ dzô. Duré niꞌwam norĩ te tsô tirĩtĩ dzaꞌra dawededzéb dzô tsimiꞌö na. Waꞌuburé duré te dama tsadawa hapetse da te tsadzei upa dzaꞌra da adöꞌö ma da te ĩrobdzanhamri waihuꞌu petse dzaꞌra na hã. Tadzahã Jeová te tinha: ‘Ãne te ꞌre danomro watsété . . . abdzé ꞌmanharĩꞌwa, te ꞌre danomro.’ (Gálatas 5:19, 20) Taha na te wapoꞌre puꞌu dzaꞌra, Satanás duré waꞌuburé norĩ wi, waꞌwawi ꞌre tsimapa dzaꞌra mono da. Õ norĩ hã, Ropotoꞌwa nhitobꞌru norĩ duré te tsima wẽ dzaꞌra te te wawi rowatsété dzaꞌra da.
WAIHUꞌU DURÉ
Te dza ĩwaihu marĩ ĩwẽ norĩ dawatsuꞌuꞌwa norĩ te te ĩꞌmanharĩ dzaꞌra hã, e niha romhõtsi pipa te te wawi roꞌwaꞌrutu waihuꞌu petse dzaꞌra di duré e niha Satanás duré waꞌuburé norĩ wi wa dza watsiꞌmadöꞌö dzaꞌra ni.
4. Dawatsuꞌuꞌwa norĩ te dapawaptob dzaꞌra Jeová ãma da te waihuꞌu dzaꞌra da
Dawatsuꞌuꞌwa norĩ õne haré te te dama roꞌmahörö dzaꞌra õ di. Tadzahã, te te tsaprõni waihuꞌu petse dzaꞌra di Ropotoꞌwa nhibꞌaꞌuwẽ norĩ te te danhopẽtẽ dzaꞌra da, da te datsima ĩwẽ norĩ hã Jeová ãma da te waihu dzaꞌra da. Atsiré tsõré aba Apocalipse 14:6, 7. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha dawatsuꞌuꞌwa norĩ te wapawaptob dzaꞌra wa te dama roꞌmahörö dzaꞌra da.
Dawatsuꞌuꞌwa norĩ te te atsaprõni waihuꞌu petse dzaꞌra di da te datsima ĩwẽ dzaꞌra norĩ u Ropotoꞌwai mreme na da te waihuꞌu dzaꞌra da. E aima rowẽ di taha na. E marĩ wa.
5. Romhõtsi pipa wẽꞌõ na
Satanás duré waꞌuburé norĩ Jeová nhitobꞌru. Õ norĩ wanhitobꞌru dzaꞌra dzama. Atsiré tsõré aba Lucas 9:38-42. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha waꞌuburé norĩ te dama ꞌre höimana dzaꞌra.
Wa te ĩtsaꞌré dzaꞌra tõ da tsi waꞌuburé norĩ hã te te warétsi dzaꞌra da. Atsiré tsõré aba 1 Samuel 15:23 duré Deuteronômio 18:10-12 TNM. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E niha waꞌuburé norĩ te ꞌwapé dzaꞌra te te wama robdzanhamri dzaꞌra da duré te te warétsi dzaꞌra da. E mahã romhõtsi pipa ĩré hã airob ãma.
Jeová ma tô dawi tsawi romhõtsi pipa hã. Aima hã, e tahã ĩbö. E marĩ wa.
ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ norĩ ãma piꞌrebamhã.
Ĩropoto na, Paula ma tô tãma tidza danhiptsitsidzé tiꞌra nhimidzu ãma hã. Aima hã e tahã pipa di. E marĩ wa.
E marĩ Paula te te ĩꞌmanharĩ da tsi waꞌuburé norĩ wi tsiꞌmadöꞌö da.
Cristo dzadawa dzamarĩꞌwa ĩꞌuptabi norĩ duréi hawi te ꞌre höimana dzaꞌra waꞌuburé norĩ dzada. Atsiré tsõré aba Atos 19:19 duré 1 Coríntios 10:21. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa ĩpire uprotsi da tsiwaꞌru atsimarĩ romhõtsi pipa na ĩhöimana hã.
6. Ãma aiꞌuté na datsiꞌwapé Satanás duré waꞌuburé norĩ dzada
Waꞌuburé norĩ Satanás dzadawa para te ꞌre höimana dzaꞌra. Tadzahã, dawatsuꞌuꞌwa ĩtsimidzadzei petse norĩ te ꞌre höimana dzaꞌra dawatsuꞌuꞌwa danhipai u ĩpire dzadawa para, Miguel dzadawa para. Tahã Jesus nhitsi ĩhöiba amo. E niha Miguel nhiptetedzé hã. Atsiré tsõré aba Apocalipse 12:7-9. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E ꞌwam norĩ danhipai u ĩtsiptete dzaꞌra: E Miguel tite dawatsuꞌuꞌwa norĩ me, e Satanás waꞌuburé norĩ me.
Aima hã Jesus dzadawa dzamarĩꞌwa norĩ e ĩpahi dzaꞌra da tsi Satanás duré waꞌuburé norĩ ma hã.
Ãma aiꞌuté waihuꞌu petse di datsiꞌwapé Satanás duré waꞌuburé norĩ dzada. Atsiré tsõré aba Tiago 4:7. Taha parimhã atsima robdzanhamri aba ãhã dadzadanharĩ ãma piꞌrebamhã:
E niha te dza atsiꞌmadö Satanás duré waꞌuburé norĩ wi.
NIꞌWAM NORĨ TE NHARĨ DZAꞌRA ÃNE: “Marĩ õ di datodzé duré ĩropodo romhõtsi pipa na hã. Taré robdze da.”
E marĩ wa ãhã rotsaꞌrada pipa di.
ĨWAIHUꞌUDZÉ HÃ
Dawatsuꞌuꞌwa ĩtsimidzadzei petse norĩ te wapawaptob dzaꞌra. Satanás duré waꞌuburé norĩ Jeová nhitobꞌru. Õ norĩ hã romhõtsi pipa na te daꞌaꞌrãmi dzaꞌra.
Ãma aipoꞌre puꞌu
E niha dawatsuꞌuꞌwa norĩ te dapawaptob dzaꞌra Jeová ãma da te waihuꞌu dzaꞌra da.
E ꞌwam norĩ Satanás duré waꞌuburé norĩ.
E marĩ te dza ĩꞌmanha romhõtsi pipa nhiti aihöimana da.
TSÔ AIRĨTĨ DURÉ
ꞌMadöꞌö e marĩ dzarina wama waihuꞌu petse dzaꞌra di Jesus tô dawatsuꞌuꞌwa danhipai u ĩpire Miguel.
“E ꞌwa hã dawatsuꞌuꞌwa danhipai u ĩpire Miguel.” (Ĩtsihötödzé jw.org na)
ꞌMadöꞌö e marĩ dzarina wama waihuꞌu petse dzaꞌra di Waꞌuburé tô niꞌwa ĩꞌuptabi na hã.
ꞌMadöꞌö e niha piꞌõ ma tô tsiwadze waꞌuburé norĩ nhiptetedzé wi.
“Õ hã ma tô uptsibi me dahöimanadzé taréi õ na hã” (Roꞌmadöꞌöꞌwa, 1.º julho na, 1993 na)
ꞌMadöꞌö e niha Waꞌuburé te daꞌaꞌrãmi romhõtsi pipa na.
“E ma hawimhã romhõtsi pipa robꞌmanharĩdzé.” (Bödödi dahöimana uꞌötsi dzéb u, ĩwaꞌõno 5)