DANHOꞌRE 58
ꞌRe warĩtĩ dzaꞌra mono rowẽ dzawiꞌwa norĩ dzô
1. ‘Dadzô airĩtĩ dzaꞌra waꞌaba’,
Tahã Jesus nhimiroti
wa te wapari dzaꞌra da.
Tsimidzawi na te datẽme mo.
Tsimiꞌẽ na Jeová mreme na
te roꞌmahö.
Bödö hã romhutu di tô
rowẽ wama höimana da.
Taha õ ré dama roꞌmahörö dza.
(DANHOꞌRE PẼNE)
Warĩtĩ da
rowẽ dzawiꞌwa norĩ dzô hã
wa dza oto
ꞌre wanhiptete dzaꞌra mono.
Tsadzöri tõ
airĩtĩ na.
2. Wa te ꞌre danhoꞌreptui mono da
wa dza oto wa te dama
ꞌre roꞌmahörö dzaꞌra dza.
Dadzawi te, wa te rẽme õ di.
Mitsi tsitsõꞌreptui wamhã,
wama robdze ti.
Rowẽ dzawiꞌwa norĩ dzô
wa dza aiꞌabaꞌré ni tô.
Robꞌrãtsutu u romhutu di oto.
(DANHOꞌRE PẼNE)
Warĩtĩ da
rowẽ dzawiꞌwa norĩ dzô hã
wa dza oto
ꞌre wanhiptete dzaꞌra mono.
Tsadzöri tõ
airĩtĩ na.
(ꞌMadöꞌö duré Isa. 52:7; Mat. 28:19, 20; Luc. 8:1; Rom. 10:10.)