Tsé di niꞌwa wama ĩtsawi pe wawi tsiꞌutõrĩ wamhã

“Wahub ahö na ꞌre hödzé mono parimhã, ĩ̱mro Sophia ma tô ĩ̱wi aiꞌutõ.a Wa watsiré wahöimana ni 39 wahu tahã watobro õ ré. Ĩ̱tsiwaihuꞌu norĩ ma tô natsi ĩ̱pawapto petse dzaꞌra. Tadzahã, marĩ aimawi na ĩ̱nhiwaꞌrutu uꞌötsi nherẽ, mitsi wahub ré hã ĩ̱ma tsé uptabi di. Nimahã na hã, ĩ̱ma rowẽ di duré nimahã na hã ĩ̱ma robdzeiꞌõ di. Ĩ̱pẽꞌẽ ꞌremhã te natsi tsitsaprĩ uꞌötsi. Ã bötö na nherẽ tsiꞌubdatõ wahu parimhã, robdzé ĩtsaꞌẽne nimahã na hã te dza ĩ̱dzô watobro.” — Kostas.

E niꞌwa aima ĩtsawi pe ma tô aiwi aiꞌutõ. Ĩhe wamhã, tsadaihuꞌu petse di Kostas pẽꞌẽdzédzé hã. Te robdzépata dzaꞌẽtẽ dzaꞌra ni damro, datsitsãnawã niwamhã datsiwaihu dawi tsiꞌutõrĩ wamhã. Rowaihuꞌu petse ꞌwa norĩ tiwi datsiꞌutõrĩ norĩ te te ĩrobdzépata dzaꞌra dzém na te te ꞌre romnhoré dzaꞌra, duré ãne te rotsaꞌrata dzaꞌra. Romnhoré dama ĩhöiꞌré hã ĩtsõrédzém na psicologiab na Estados Unidos ãma te tinha robdzeiꞌõ uptabi na da te ĩrobdzépata dzaꞌra na niꞌwa dama ĩtsawi pe dawi tsiꞌutõrĩ wamhã. E marĩ wa. Da te rotsaꞌrata dzaꞌra wa dama ĩtsawi pe dawi ĩtsiꞌutõrĩ hã õne uꞌö dawi tsô ĩrowaptöꞌö na hã. Niꞌwa robdzeiꞌõ uptabi na ãne te te ĩrobdzépada hã ãté te ꞌröwi rotsaꞌrata: ‘E niwa bötö ꞌre wa dza ĩ̱höiba. E nimahã na robdze na wa dza apö ĩ̱höiba. E niha rowẽ wa dza tsõpẽtẽ’.

Te dza ĩtsõpẽ ĩtsadaꞌöbödzém norĩ ãhã ĩtsõrédzém na Atsimidzaꞌretse!. E a hã te ĩrobdzépa niꞌwa aima ĩtsawi pe aiwi tsiꞌutõrĩ wamhã. Romnhihödö ĩhöiba amo te dza höiꞌré e niha tiwi datsiꞌutõrĩ norĩ te tihöimana dzaꞌra, duré e mahã ropire norĩ te ꞌwapé dzaꞌra. Romnhihötö norĩ tahã parimhã te dza aima roti dzaꞌra e niha robdzé te dza atsima ĩwapu.

Wa watsima wẽ petse dzaꞌra ni ãhã ĩtsõrédzé te te dapẽꞌẽ nomri da duré te te dapawaptob da aihĩni ãhã ropire dzaꞌẽtẽ na da te ĩrobdzépata dzaꞌra norĩ.