Ãhã ĩtsõrédzém na dapẽꞌẽ nomridzé tiwi datsiꞌutõrĩ norĩ ma

TSÉ DI NIꞌWA WAMA ĨTSAWI PE WAWI TSIꞌUTÕRĨ WAMHÃ

E niha tiwi datsiꞌutõrĩ norĩ te tihöimana dzaꞌra. E marĩ wa, dapẽꞌẽ nomridzé tãma ĩré dzaꞌra da tsi.

E MAHÃ ROPIRE ÃTÉ TE DZA ĨꞌWAPÉ.

Ãhã ĩtsihötödzé te höiꞌré danhimirotsaꞌrata upa tiwi datsiꞌutõrĩ norĩ te te ĩrobdzépata dzaꞌra dzém na, duré e niha ta norĩ hã te tihöimana dzaꞌra. Niꞌwa aima ĩtsawi pe döꞌödzém na robdzépata wamhã, te dza ĩꞌmadö aimawi na ĩdahöimana dzaꞌra na taha uꞌöbö.

ROBDZÉPADA NIꞌWA AIMA ĨTSAWI PE DÖꞌÖ WAMHÃ, E MARĨ TSADA HÃ ꞌMANHARĨ DA ÃHÃNA.

E marĩ te dza ĩꞌmanha robdzépada ꞌwapé da niꞌwa aima ĩtsawi petse döꞌödzéb uꞌöbö. Ãhã ĩtsihötödzém na te dza ĩtsõpẽ roti ĩwẽ mono te te ĩpawapto ĩꞌahö norĩ. Ãhã roti norĩ te tihöimana dzaꞌra Ropotoꞌwai mreme na.

DAPAWAPTOBDZÉ DANHIPAI U ĨWẼ TIWI DATSIꞌUTÕRĨ NORĨ MA

Uptsibi me na daꞌahö te te ĩdaꞌapawaptobdzé danhiptete na ꞌre danomro mono da ropire nherẽ, duré ꞌmadöꞌö e niha tahã te dza duré aipawapto.