ROMNHORÉ 26
E marĩ wa rowatsédé hã duré robdzépada hã te tihöiba.
Marĩ watsédé watobro wamhã te rotsaꞌrata dzaꞌra ni: “E marĩ wa tahã ma watobro.” Wama rowẽ dzaꞌra di Ropotoꞌwai mreme te te ĩtsadaꞌöbödzém na hã!
1. E niha marĩ watsédé ma tô tinhanaꞌrata.
Waꞌuburé Jeová dzada ma tô tihöiba. Õ hã, ma tô tsima wẽ te te daꞌãma roti da. Taha wa, ma tô rétsi aibö duré piꞌõ ĩmorĩꞌrata norĩ, Adão duré Eva, Ropotoꞌwa dzada höimana dzahuré da dzama. E niha. Õ hã ma tô tidzadawa nhipetse Eva ma. (Gênesis 3:1-5) Taha wa, Eva ma tô rotsaꞌrata Jeová marĩ ĩwẽ te te tiwi ĩtsawi na hã. Tsena na Waꞌuburé te ãma tinha dama dza danhipai u ĩrowẽ na Ropotoꞌwa dzadawa dzamarĩ ãna. Tawamhã ãne na, ma tô tãma tidzadawa nhipetse ꞌrata. Te tinha Eva ma dza ĩdöꞌöꞌõ na hã. Taha wa, Ropotoꞌwai mreme te tinha Waꞌuburé ‘ĩtsadawa nhipetse na hã, dadzadawa nhipetse mama.’ — João 8:44.
2. E marĩ Adão duré Eva ma tô tsima pitsutu dzahuré.
Jeová tsõprub uptabi di Adão duré Eva ma. Te tãma nharĩ dzahuré robꞌre ãma rowede ꞌre ĩtsimatsa mono ꞌrã, tsiwaꞌru uburé te te ꞌre aꞌmatsi uꞌötsi dzahuré mono da. Mitsi haré ma tô tiwi tsawi dzahuré. (Gênesis 2:15-17) Tane nherẽ, õ norĩ hã, õhõ robꞌrã ĩtsawi dzahi ma tô ꞌrẽne dzahuré. ‘Taha wa, [Eva] ma tô ꞌmata. Ma tô tiꞌrẽ. Taha pari, [Adão] dzama ma tô duré oto tiꞌrẽ.’ (Gênesis 3:6) Adão duré Eva höimana upa dzahuré õ di aré. Taha wa, tãma pire dzahuré õ di aré ĩwẽ hã te te ꞌmanharĩ dzahuré da. Tadzahã ma tô tsadawa rẽme dzahuré Jeová. Ãne te te ꞌmanharĩ dzahuré wamhã ma tô tiwatsété dzahuré duré ma tô wẽꞌõ dzahuré Ropotoꞌwa nhimiroti. Ãne, robdzépada ĩtsaꞌẽne ma tô tsitsô wadzere dzahuré. — Gênesis 3:16-19.
3. E niha Adão duré Eva nhimipitsutudzé ma tô waꞌahöimana wamna.
Adão duré Eva watsété dzahuré parimhã höimana upa dzahuré di oto. Taha na hã, dawatsédé ma tô uburé tinhihudu norĩ ma ãma ropé dzahuré. Ropotoꞌwai mreme te tinha: ‘Dawatsédé ma tô tidzébré naꞌrata, Adão ĩwatsétédzém hawi. Ta hawimhã ma tô duré dawatsédé hã te te ropé, uburé dapoto mono bö. Ta hawim haré, te aihĩni petse oto ꞌre dadöꞌö dzaꞌra, dawatsété na ꞌre danomro mono wa.’ — Romanos 5:12.
E niha bö wa robdzépata dzaꞌra ni. Nimahã na wa robdzépata dzaꞌra ni wanhimipitsutu upai uꞌöbö. Wa duré robdzépata dzaꞌra ni ĩhöiba amo norĩ nhimipitsutu upai uꞌöbö. Duré nimahã na wa robdzépata dzaꞌra ni, marĩ tsada ĩrotsaꞌrataꞌõ wadzô watobro dzaꞌra wa. — Tsõré na Tiago 4:13, 14.
WAIHUꞌU DURÉ
Te dza ĩwaihu e marĩ wa, rowatsédé duré robdzépada Ropotoꞌwai hawib õ di. Te dza duré ĩꞌmadö e niha te tihöiba wa te robdzépata dzaꞌra wamhã.
4. E ꞌwai hawimhã tô tsena robdzépada hã.
Daꞌahö na te rotsaꞌrata dzaꞌra ni Ropotoꞌwa Rotiꞌwa na Tiꞌai ãma hã. E tahã tô tsena bö. ꞌMadöꞌö aba ĨROPODO.
Atsiré tsõré aba Tiago 1:13 duré 1 João 5:19. Taha parimhã atsima robdzanhamri aba ãhã dadzadanharĩ ãma piꞌrebamhã:
Rowatsédé duré robdzépada e Ropotoꞌwai hawimhã.
5. E marĩ te ꞌre wairébé Waꞌuburé nhimirobꞌrudzéb ꞌremhã.
Atsiré tsõré aba Gênesis 3:1-6. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
E marĩ na Waꞌuburé ma tô tidzadawa nhipetse. — ꞌMadöꞌö aba ĩtsihötö ꞌrare 4 duré 5.
E niha Waꞌuburé te ãma tinha Jeová marĩ ĩwẽ te te dawi ĩtsawi na hã.
Waꞌuburé dzarina e te dawi tsô rowaptö Jeová nhimirobꞌrudzéb dzô da te datsima ꞌre robdze dzaꞌra mono da.
Atsiré tsõré aba Êxodo 1:13, 14. Taha parimhã atsima robdzanhamri aba ãhã dadzadanharĩ ãma piꞌrebamhã:
Jeová te te daꞌãma ꞌre roti mono õ ré e marĩ te dadzô ꞌre wairébé.
Adão duré Eva upai ãna te ꞌre höimana dzahuré Ro ĩwẽ ãma. Tane nherẽ ma tô wapari dzahuré Waꞌuburé duré Jeová dzada ma tô tihöimana dzahuré
Dawatsédé, robdzépada duré dadö ma tô te te ꞌre ropé uburé dapoto mono bö
Jeová te dza uprotsi dawatsédé, robdzépada duré dadö. Danhimiꞌupaiꞌõ te dza apö ꞌre dahöimana dzaꞌra Ro ĩwẽ ãma hã
6. Jeová pẽꞌẽdzé di wa te ĩrobdzépata dzaꞌra dzém na hã
Ropotoꞌwa e te ꞌre pẽꞌẽdzé wa te ĩrobdzépata dzaꞌra dzém na hã. Wa dza ꞌmadöꞌö dzaꞌra ni Rotiꞌwa Davi duré apóstolo Pedro te te ĩtsihötö dzahuré dzé hã. Atsiré tsõré aba Salmo 34:18 duré 1 Pedro 5:7. Taha parimhã atsima robdzanhamri aba ãhã dadzadanharĩ ãma piꞌrebamhã:
Ãhã romnhihötö norĩ te höiꞌré dzahuré Jeová te te ĩꞌmadöꞌö waihuꞌu petse na hã wa te ĩrobdzépata dzaꞌra dzé hã duré te te tsima ĩwẽ na hã te te wapawaptob dzaꞌra da. E niha te aihöiba taha na rotsaꞌrata wamhã.
7. Ropotoꞌwa te dza uprotsi uburé robdzépada hã
Atsiré tsõré aba Apocalipse 21:3-5. Taha parimhã atsima robdzanhamri aba ãhã dadzadanharĩ ãma piꞌrebamhã:
E marĩ wa wẽ di wa te waihuꞌu dzaꞌra wamhã Jeová dza te te ĩꞌapari na hã uburé marĩ watsédé da te ꞌre ĩrobdzépata dzaꞌra mono dzé hã.
E ma tô ĩwaihu.
Waꞌuburé ĩmorĩꞌrata na tsadawa nhipetse wamhã, õ hã ma tô upto Jeová nhitsi. Ãne ma tô ꞌmanha te te ãma nharĩ wamhã Jeová Rotiꞌwa ĩböiꞌõ te te ĩꞌmanharĩ na hã duré ĩtsimidzawiꞌõ na hã. Romhutu na Jeová te dza tipa robdzépada hã duré te dza dama höiꞌré tinhimirobꞌrudzép tsi tô danhipai u ĩwẽ na hã. Ãne watobro wamhã, Jeová te dza petse tinhitsi uburé dadzadawa nhipetse norĩ Waꞌuburé te te ãma ĩnharĩdzé wi. Tahã marĩ danhipai u ĩpire ĩromhöimana. — Mateus 6:9, 10.
NIꞌWAM NORĨ TE NHARĨ DZAꞌRA ÃNE: “Ropotoꞌwa te te ꞌre tsaꞌré robdzépada hã wanhimidzadze te te pibu da.”
E marĩ te aré ĩnha.
ĨWAIHUꞌUDZÉ HÃ
Rowatsédé hã ma tô tidzébré naꞌrata Waꞌuburé, Adão duré Eva hawimhã. Jeová te ꞌre pẽꞌẽdzé petse wa te ĩrobdzépata dzaꞌra dzém na hã. Taha wa, romhutu na te dza tipa robdzépada hã.
Ãma aipoꞌre puꞌu
E marĩ na Waꞌuburé ma tô tidzadawa nhipetse Eva ma.
E niha Adão duré Eva nhimipitsutudzé ma tô waꞌahöimana wamna.
E marĩ dzarina wama waihuꞌu petse dzaꞌra di Jeová ĩpẽꞌẽdzé na hã wa te ĩrobdzépata dzaꞌra dzém na hã.
TSÔ AIRĨTĨ DURÉ
E marĩ dawatsédé hã. ꞌMadöꞌö Ropotoꞌwai mreme te te ãma ĩrowatsuꞌudzé.
Waihuꞌu duré ĩwatobrodzém na hã Waꞌuburé Ro ĩwẽ Éden ãma te te ĩꞌmanharĩdzém hawimhã.
ꞌMadöꞌö ĩtsadaꞌöbödzé dapẽꞌẽ nomridzé dadzadanharĩ ĩpire da.
ꞌMadöꞌö aibö te te ĩwaihuꞌudzé te te ĩrobdzépatadzém na hã.