Da ngalangu pa da tau meti pa luri beli?

NGGARRA WANNA NA PULUNGU

”Na hadang beli ka da tau dama meti.”​—Pa-pahurungu 24:15, Na Huratu Matua.

NA LINGNGU NA BA PINYA

Da lalu handukaʼa nda jaka ningu angu mbuha nda da ma meti.—2 Korinitu 1:3, 4.

Da ta lalu mangadatuʼa pa jaka ta hanggangngu-nya na meti.—Imbarani 2:15.

Ningu monungu nda pa hamburu beli ha da tau dama bada meti.​—Yuhani 5:28, 29.

TA PARAHAYA YA KA NA IHI NA MBUKU PULUNGU?

Ya. Tailu lata na:

• Mbulu dabana na ma luri i Ala na ma padikanja. Na pinu tana dangngu mbu daba na ihi na. (Pamalangungu 36:9; Pa-pahurungu 17:24, 25, Na Huratu Matua) Na ma Wuangu Luri padaingu pahada beli nanya na tau na ma bada meti.

• I Ala bada pahadang manaka tau meti. La mbuku pulungu na pani ndaha da tau ma walu pa bada pahadana, makawiada, bidi tau, mini, kawini, hida luri beli la pinu tana. Ni nja da ma bidi meti dangngu na ma bada patu mbu lodu na pa-taninya la reti.​—Yuhani 11:39-44.

• I Ala na rinjung pa pahada belinja da tau dama bada meti napa. I Huwa na karau-nya eti na meti, beri jiangu muhu nanya. (1 Korinitu 15:26) I Ala ndana tahanguʼa pa wikina pa pahadanja dama meti, pa pamau ya na muhu na. I Ala na rinjung pa pahada belinja da tau meti na ma ninya la kanandingu Na, kada luri beli la pinu tana bidi.​—Ayupu 14:14, 15.