Uba Apa Kahidupan di Firdaus?

Yehuwa mangonyuʼ banyaʼ berkat ka Adam gan Hawa. Kejadian 1:28

Yehuwa manjawat batina yang samula, namanya Hawa, gan manjadiannya bini Adam.​—Kejadian 2:21, 22.

Yehuwa manjawat Adam gan Hawa agan pikeran gan tuboh yang sampurna, antah ada yang cacat.

Tompat tingal siaʼ di Firdaus, taman yang segaʼ—ada sungai-sungai, kampuk buah, gan bala binatak.

Yehuwa bapaner gan malajarʼae siaʼ. Amun siaʼ mandingaan Yehuwa, siaʼ suba hidup salamanya di bumi.

Allah manjangki siaʼ makat buah dari sakayoʼu pohon. Kejadian 2:16, 17

Yehuwa manjangki Adam gan Hawa makat buah dari sakayoʼu pohon di taman inyan. Amun dimakat, siaʼ mati.

Ada satu malaikat jaheʼ yang malawat Allah. Inya disobut Setat.

Setat antahnya hona Adam gan Hawa manaatʼae Yehuwa. Makanya, Setat manggunaan ular age mamaneran ka Hawa amunnya makat buah pohon inyan te antahnya mati, tapi manjadi uba Allah. Inyan tamaha katumukan Setat.​—Kejadian 3:1-5.