Di Zaman Nuh —Sopa yang Mandingaan? Sopa yang Antah?

Kabanyaʼan urak di zaman Nuh malakuan jolu jaheʼ. Kejadian 6:5

Adam gan Hawa baanaʼ babuah, katurutan siaʼ makit banyaʼ di bumi. Habis inyan, banyaʼ malaikat di surga jumpat Setat malawat Allah.

Bala malaikat inyan te baubah wujud manjadi lalaki age suba mangawinʼae bala batina di bumi. Habis inyan, bini siaʼ malaheran anaʼ lalaki yang panggodian gan kuat bonar.

Bumi diponohʼae bala urak yang malakuan jolu jaheʼ. Alkitab mamaneran, ”Kajaheʼan mansia mamonuhʼae bumi, niat hati gan pikeran siaʼ hala jaheʼ.”

Nuh mandingaan Allah gan manjawat bahtra. Kejadian 6:13, 14, 18, 19, 22

Nuh urak baeʼ. Yehuwa mamadahan Nuh, Sia hona mahukup mati urak jaheʼ malaloʼae Arae Bah, atau banyer bosar.

Allah manyuroh Nuh manjawat kapal bosar, namanya bahtra, jadean mambaba kaluarganya gan sagala macap binatak ka dalapnya.

Nuh maingatan ka bala urak Arae Bah pacaan datak, tapi banyaʼ urak antah mandingaan Nuh. Ada yang bauluʼan; yang bukainya bonciʼ.

Pas bahtranya jadiam, Nuh mambaba mansuʼ bala binatak.