BAGIʼAN 8
Apa Harotinya Kamatian Yesus age Dongan?
Yesus mati age kita suba hidup salamanya. Yohanes 3:16
Tiga hari am Yesus mati, babaropa batina datak ka kuboran-sia, sakalinya Yesus antah adaʼam. Yesus jadi dihidupʼan Yehuwa.
Habis inyan, Yesus manampaʼan diri ka bala murid-sia.
Yehuwa mahidupʼan Yesus. Yehuwa antah mangonyeʼae Yesus tuboh uba mansia, tapi tuboh uba malaikat. Bala murid maniat Yesus naeʼ ka surga.
Allah mahidupʼan Yesus gan manunyuʼ sia manjadi Raja dari Karajaan Allah. Daniel 7:13, 14
Yesus mati, mangonyeʼae kahidupan-sia age malopasan mansia dari dosa gan kamatian. (Matius 20:28) Malaloʼae kamatian Yesus, Allah mambuka jalat age kita hidup salamanya.
Yehuwa manunyuʼ Yesus manjadi Raja age mamarintah bumi. Yesus mamarintah dari surga basama-sama 144.000 urak satia yang dihidupʼan lagi dari bumi age hidup ka surga. Pamarintahan-sia disobut Karajaan Allah.—Wahyu 14:1-3.
Karajaan Allah menjawat bumi kita manjadi taman yang segaʼ. Paparakan, kajaheʼan, kasusahan, gan kalaparan antah ada lagi. Samua urak bonar-bonar bahagia.—Mazmur 145:16.