BAGIʼAN 1

Uba Apa Kita Mandingaan Allah?

Allah bapaner ka kita malaloʼae Alkitab. 2 Timotius 3:16

Dari surga, Yehuwa ma’arahan babaropa lalaki age menulis Alkitab

Lohuani, Allah yang bonar maʼarahan babaropa lalaki age manulis pikeran-Sia ka dalap kitab suci, yang disobut Alkitab. Sia hona Dongan mangatahoʼae kabar pontik yang ada di dalapnya.

Allah mangatahoʼae jolu apa yang tabaeʼ age kita. Amun Dongan mandingaan Sia, Dongan suba tahu mona yang bonar gan mona yang salah.—Amsal 1:5.

Alkitab dalap banya’ bahasa; satu lalaki mambaca Alkitab dalap bahasa-nya

Allah hona samua urak mambaca Alkitab. Makanya duatiga areani Alkitab ditulis ka dalap banyaʼ bahasa.

Amun Dongan hona mandingaan Allah, Dongan harus mambaca gan maharoti isi Alkitab.

Di mona-mona, bala urak tantongahan balajar mangonaʼae Allah. Matius 28:19

Satu Saksi Yehuwa mambacaan ayat Alkitab ka satu lalaki, jadean lalaki inyan balajar Alkitab

Saksi-Saksi Yehuwa suba manuluk Dongan maharoti isi Alkitab.

Di saluroh dunia, Saksi-Saksi Yehuwa mangajarʼan kabonaran mangonaʼae Allah.

Bakompul di tompat ibadah Balai Karajaan Saksi-Saksi Yehuwa

Amun Dongan balajar Alkitab, bilanya babayarma. Dongan subajam balajar di tompat ibadah Saksi-Saksi Yehuwa yang dampik agan tompat Dongan.