INdumiso

65 Owu Thixo, iza kuwe indumiso—ukuthula—Thixo, eZiyon;+

Yaye isibhambathiso siya kufezekiswa kuwe.+

 3 Izinto ezisisiphoso zingqineke zinamandla kunam.+

Ke kona ukunxaxha kwethu, uya kukugubungela.+

 4 Unoyolo lowo umkhethayo uze umbangele asondele,+

Ukuze ahlale ezintendelezweni zakho.+

Ngokuqinisekileyo siya kwaneliswa kukulunga kwendlu yakho,+

Indawo engcwele yetempile yakho.+

 5 Uya kusiphendula ngezinto ezoyikekayo ngobulungisa,+

Thixo wosindiso lwethu,+

INkoloseko yayo yonke imida yomhlaba nabo bakude elwandle.+

 6 Umisela ngokuqinileyo iintaba ngamandla akhe;+

Eneneni ubhinqe ukomelela.+

 7 Uthulisa ingxolo yeelwandle,+

Ingxolo yamaza azo nengxokozelo yamaqela eentlanga.+

 8 Abemi bezona nxalenye ziseziphelweni baya kuyoyika imiqondiso yakho;+

Ukuphuma kwentsasa nokuhla ukubangela kumemelele ngovuyo.+

 9 Uyiphethulele emhlabeni ingqalelo yakho, ukuze uwunike intabalala;+

Uwutyebisa kakhulu.

Umsinga ovela kuThixo uzele ngamanzi.+

Ulungisa ukudla kwabo okuziinkozo,+

Kuba leyo yindlela owulungisa ngayo umhlaba.+

10 Kukho ukuzaliswa ngamanzi kwemijelo yawo, ukulungelelaniswa kwamafu awo;+

Uwuthambisa ngomvumbi; uyawasikelela amahlumelo awo.+

11 Unyaka uwuthwese ukulunga kwakho,+

Yaye umkhondo wakho uthontsiza ukutyeba.+

12 Amadlelo asentlango aqhubeka ethontsiza,+

Yaye iinduli zibhinqa uvuyo.+

13 Amadlelo ambeswe imihlambi,+

Iintili zigutyungelwe kukudla okuziinkozo.+

Ziduma ngoloyiso, ewe, ziyacula.+