IMizekeliso
24 Sukubamonela abenzi-bubi,
Ungakunqweneli nokuba phakathi kwabo,+
2 Kuba intliziyo yabo icinga ubundlobongela,
Nemilebe yabo ivusa udushe.
10 Ukuba uyatyhafa ngamaxesha eenkathazo,
Uza kuphelelwa ngamandla.
12 Ukuba uthi, “Kodwa besingazi ngale nto,”
Akayiboni na loo nto Lowo uhlolisisa iintliziyo?*+
Kaloku, Lowo ukujongileyo uza kwazi
Aze abuyekeze mntu ngamnye ngezenzo zakhe.+
13 Nyana wam, yitya ubusi, kuba bulungile;
Incindi yobusi inencasa emlonyeni.
14 Yazi ukuba, ngendlela efanayo, nobulumko bukulungele.+
Ukuba uye wabufumana, uza kuba nekamva elihle,
Ibe ithemba lakho alizukunqunyulwa.+
15 Uze ungancathami kufutshane nendlu yelungisa uneenjongo ezimbi;
Uze ungayitshabalalisi indawo yalo yokuphumla.
16 Kuba ilungisa nokuba liwa kasixhenxe, liphinda livuke,+
Kodwa bona abenzi-bubi baza kwehlelwa yintlekele.+
17 Sukuvuya xa utshaba lwakho lusiwa,
Mayingavuyi intliziyo yakho xa ulubona lukhubeka;+
18 Kuba uYehova uza kuyibona loo nto angayithandi,
19 Sukucatshukiswa* ngabenzi-bubi;
Sukubamonela abantu abangalunganga,
20 Kuba nabani na owenza izinto ezimbi akanalo ikamva;+
Isibane sabenzi-bubi siza kucinywa.+
21 Nyana wam, yoyika uYehova nokumkani.+
Ngubani na oyaziyo intlekele abaza* kubazisela yona?+
23 Nazi ezinye izinto ezithethwa zizilumko:
Ukukhetha ubuso xa ugweba akulunganga.+
24 Nabani na othi kumenzi-bubi, “Ulilungisa wena,”+
Uza kuqalekiswa zizizwe, agxekwe naziintlanga.
26 Abantu baza kuyiphuza imilebe yalowo uthetha inyani.*+
28 Sukunikela ubungqina obungenasihlahla ngommelwane wakho.+
Sukuyisebenzisela ukuqhatha abanye imilebe yakho.+