10 “Bamele benze ityeya ngomthi womnga, ubude bayo bube ziikubhite* ezimbini ezinehafu nobubanzi bayo bube yikubhite enehafu nokuphakama kwayo kube yikubhite enehafu.+ 11 Emva koko umele uyityabeke ngegolide esulungekileyo.+ Uze uyityabeke ngaphakathi nangaphandle, uyijikeleze ngomphetho wegolide.+ 12 Yenzele amakhonkco egolide amane, uwafake emilenzeni yayo emine. Amakhonkco amabini mawabe kweli cala layo, aze amanye amabini abe kwelinye. 13 Uze wenze iipali ngomthi womnga, uzityabeke ngegolide.+ 14 Ezo pali umele uzifake kuloo makhonkco asemacaleni eTyeya ukuze ithwalwe ngazo. 15 Mazihlale emakhonkcweni eTyeya ezo pali. Mazingakhutshwa kuwo.+