3 UHerode* wayethe makabanjwe uYohane, abotshwe aze avalelwe ejele ngenxa kaHerodiya. UHerodiya lo wayekade engumfazi kaFilipu umntakwabo Herode.+ 4 Kaloku uYohane wayemana esithi kuye: “Akukho semthethweni ukuba utshate uHerodiya.”+ 5 Kodwa, nangona wayefuna ukumbulala, wayesoyika abantu, kuba babesithi uYohane ngumprofeti.+

17 UHerode wayemvalele ejele uYohane, kuba wayefuna ukonwabisa uHerodiya, owayekade engumfazi kaFilipu umntakwabo.+ 18 Kuba uYohane wayemana esithi kuHerode: “Akukho semthethweni ukuba utshate umfazi womntakwenu.”+ 19 Ngoko uHerodiya wayemzondile, efuna nokumbulala, kodwa engenandlela. 20 Kaloku uHerode wayemoyika uYohane, esithi uyindoda elilungisa nengcwele,+ ngoko wamkhusela. Wayethanda ukummamela, kodwa qho emmamela wayexakwa ukuba makathini.