IiNdumiso

140 Ndisindise Yehova kwizikhohlakali;

Ndikhusele kwiindlobongela,+

 2 Abantu abapheka amayelenqe enkohlakalo ezintliziyweni zabo+

Abavusana noqhushululu imini yonke.

 3 Balola ulwimi lwabo njengolwenyoka;+

Banetyhefu yamarhamba emilebeni yabo.+ (Selah)

 4 Ndicela undikhusele Yehova ezandleni zabenzi-bubi;+

Ndingabi lixhoba leendlobongela,

Abo baceba ukundikhubekisa.

 5 Abantu abanekratshi bandibekele isibatha;

Bolula iintambo ngasendleleni bendenzela umnatha.+

 7 Owu Yehova Nkosi enguMongami, Msindisi wam onamandla,

Ukhusela intloko yam ngemini yedabi.+

 9 Akwaba iintloko zabo bandijikelezileyo

Zingathiwa wambu ngalaa nkohlakalo isemilebeni yabo.+

Mabajulwe emlilweni,

Emngxunyeni onzulu,*+ baze bangaphindi baphume.

12 Ndiyazi ukuba uYehova uza kumlwela umntu ophantsi

Aze amenzele ubulungisa olihlwempu.+

13 Ngokuqinisekileyo amalungisa aza kulidumisa igama lakho;

Abalungileyo baza kuhlala phambi kobuso bakho.*+